RU
Сапарбаев Жамбыл облысының әкімі болып тағайындалды

Сапарбаев Жамбыл облысының әкімі болып тағайындалды

Рассказать Вконтакте

Премьер-министрдің орынбасары қызметін атқарған Бердібек Сапарбаев Жамбыл облысының әкімі болып тағайындалды деп хабарлайды KAZ.NUR.KZ Ақордаға сілтеме жасап.

Сапарбаев Жамбыл облысының әкімі болып тағайындалды

Бердібек Сапарбаев

Тиісті жарлыққа мемлекет басшысы Қасым-Жомарт Тоқаев қол қойды.

"Бердібек Машбекұлы Сапарбаев Жамбыл облысының әкімі болып тағайындалсын, ол Қазақстан Республикасы премьер-министрінің орынбасары қызметінен босатылсын", - делінген ресми құжат мәтінінде.

Сонымен қатар, президент бұған дейін облысты басқарған Асқар Мырзахметовты қызметінен босатты.

Айта кетерлігі, Бердібек Машбекұлы күні кеше, 9 ақпанда, 67 жасқа толды.

Ол 1953 жылы Қызылорда облысындағы Жаңақорған ауданына қарасты Бесарық ауылыныда дүниеге келген. 1977 жылы Алматы халық шаруашылығы институтының жоспарлау экономикалық факультетін бітірген. Экономика ғылымдарының докторы, профессор.

1969 жылдың тамыз айынан - Қызылорда облысының Жаңақорған ауданындағы «Задария» кеңшарынының №3 бөлімшесінде жұмысшы, әрқилы қарапайым жүмыстарды атқарушы. 1971 жылдың мамырынан - Кеңес Әскерінің қатарында қызметте. 1977 жылдың тамыз-қыркүйек айларында - Мемеңбек жинақ кассасының Қазақ республикалық басқармасында тексеруші. 1977 жылдың қазан айынан - ҚазКСР Қаржы министрлігінің Мәдениетті және денсаулық сақтауды қаржыландыру басқармасында экономист, 1978 жылдың қазан айынан - аға экономист, 1983 жылдың мамыр айынан -жетекші экономист, 1985 жылдың шілде айынан - бас экономист, 1986 жылдың наурыз айынан - бөлім бастығының орынбасары. 1988 жылдан - ҚазКСР Халыққа білім беру министрлігі жоспарлау-қаржы басқармасының бастығы. 1990 жылдан - ҚР Білім министрінің орынбасары.

1994 жылдан - ҚР Президенті және ҚР Министрлер кабинеті Аппаратының қаржы, еңбек және халықты әлеуметтік қорғау бөлімі меңгерушісінің орынбасары, ҚР Бесарык Министрлер кабинетінің Істер басқармасы қаржы, еңбек және халықты әлеуметтік қорғау бөлімі меңгерушісінің орынбасары, бөлім меңгерушісі. 1995 жылдың наурыз айынан - ҚР Министрлер кабинеті Аппаратының жетекшісі. 1995 жылдың қыркүйек айынан - Қызылорда облысының әкімі. 1999 жылдан - Түркістан облысының әкімі. 2002 жылдан - ҚР Кедендік бақылау агенттігінің төрағасы. 2004 жылдан - қаржы вице-министрі - ҚР Қаржы министрлігінің Кедендік бақылау комитетінің төрағасы. 2006 жылдан - ҚР Премьер-министр кеңсесі жетекшісінің орынбасары - ҚР Парламенті Мәжілісіндегі Үкіметтің өкілі. 2007 жылы ҚР экономика және бюджеттік жоспарлау вице-министрі.

2007 жылдан мен 2009 жыл наурызына дейін - ҚР еңбек және халықты әлеуметтік қорғау министрі.

2009 жылдан 2014 жыл қарашасына дейін - Шығыс Қазақстан облысының әкімі.

2014 жылдың қарашасынан 2015 жылдың қыркүйегіне дейін - Қазақстан премьер-министрінің орынбасары.

2015 жылдың 11 қыркүйегінен 2019 жылдың ақпан айына дейін - Ақтөбе облысының әкімі.

2019 жылдың 25 ақпанында еңбек және халықты әлеуметтік қорғау министрі болып тағайындалды.

Осы жылдың 20 тамызынан бастап бүгінге дейін премьер-министрдің орынбасары қызметін атқарды.

Мемлекеттік марапаттары: «Құрмет» (1999), «Парасат» (2007) ордендерімен; «Астана» (1998), «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005) медальдарымен марапатталған.

Тағы да оқыңыздар
Жүктеу...
Mailfire view pixel