Оңтүстік Кореядағы қазақстандықтар елге оралғысы келетінін айтты

Индустрия мен инфрақұрылымдық даму вице-министрі Берік Қамалиев Оңтүстік Кореядағы кейбір Қазақстан азаматтары елге оралуға ниет білдіріп жатқанын мәлімдеді деп хабарлайды KAZ.NUR.KZ.

"Бүгінгі күні Қазақстанның Оңтүстік Кореядағы елшілігіне жүгініп, отанына оралғысы келетінін айтқан азаматтар бар. Эвакуация мәселесі әлі өткір емес. Айтып өткенімдей, бізде апта сайын рейстер жасалады. Оған қоса, біз елге 700-ге жуық жолаушыны жеткізе аламыз" , - деді Берік Қамалиев.

«ЕАЭО азаматтарына қазақстандық тасымалдаушылардың бортына отыру мүмкіндігі берілгені рас па? Әлде ол тек Қазақстан азаматтарына рұқсат етілген бе?" , - деген сұрақтарын қойды журналистер қауымы вице-министрге.

Қамалиев аталмыш борттар тек қана біздің азаматтарға арналғанын мәлімдеді.

Бұған дейін Оңтүстік Кореяда 34 мыңнан астам отандастарымыз бар деп хабарланған болатын.

Еске сала кетейік, 8 наурыздан бастап Қытай, Иран және Оңтүстік Корея азаматтары Қазақстанға кіре алмайды. Шара COVID-19 вирусын Қазақстанға кіргізбеу үшін қабылданып отыр. Бұл туралы индустрия мен инфрақұрылымдық даму министрінің орынбасары Берік Қамалиев хабарлады.

Ең маңызды әрі қызықты жаңалықтарды біздің Telegram арнамыздан оқыңыздар!