Top.Mail.Ru

Сайт нұсқасы

ru kz

Зектілері

Маңғыстаудағы құмнан арнайы форма киген азаматтың қаңқасы табылды

Опубликовано:

3 наурыз күні таңғы сағат 11 шамасында "102" пультіне Үштаған ауылынан шамамен 3 шақырым жердегі құмнан белгісіз адамның қаңқасы табылғаны туралы қоңырау келіп түскен. Бұл туралы Маңғыстау облыстық Полиция департаменті баспасөз қызметі мәлімдеді деп хабарлайды KAZ.NUR.KZ Newtimes.kz агенттігіне сілтеме жасап хабарлайды.

Көрнекі фото: pixabay.com
Көрнекі фото: pixabay.com: Instagram

Оқиға орнына келген полицейлер мәйіттің денесі жартылай құм астында қалғанын анықтаған. Марқұмның тек бас сүйегінің жартысы, оң аяғы пен қос қолы көрініп жатқан.

Ал дененің қасынан қалтасында 5 мың теңгесі бар көк күрте, "ӨзенМұнайГаз" жазуы бар 39-өлшемді қара түсті етік және қою көк түсті тоқылған бас киім табылған.

Облыстық полиция департаментінің баспасөз қызметінде аталған факті Маңғыстау аудандық полиция бөлімінде Қылмыстық кодекстің "Тұлға өлімі" бабы бойынша СДТБТ-ға тіркелгенін мәлімдеді.

"Белгісіз азаматтың тұлғасын және өлім себебін анықтау бойынша жедел жұмыстар атқарылуда. Сот алды тергеу жұмыстары жүргізіліп жатыр. Сот-медициналық сараптамалар тағайындалды", - деді ведомствода.

Еске сала кетейік, бұған дейін Шотландияда "Сиара" дауылынан кейін беймәлім мақұлықтың қаңқасы табылғанын хабарлаған едік.

Ең маңызды әрі қызықты жаңалықтарды біздің Telegram арнамыздан оқыңыздар!

Мақаланың түпнұсқасы: https://kaz.nur.kz/society/1844333-magystaudagy-kmnan-arnajy-forma-kigen-azamatty-kakasy-tabyldy/

pixel