RU

Батыс Қазақстан облысында пойыз аударылды

Рассказать в Telegram Рассказать Вконтакте

7 наурызда Батыс Қазақстан облысының Сайқын кентінде №10518 Саратов – Астрахан бағытындағы жүк пойызының бес вагоны рельстен шығып кетті деп хабарлайды KAZ.NUR.KZ.

Көрнекі сурет: pixabay.com

Көрнекі сурет: pixabay.com

Төтенше жағдай түнгі 23:00 шамасында болды деп жазды "Мой город" басылымы. Белгілі болғандай, аударылған пойыз вагондарына астық тиелген.

"Болжам бойынша апатқа дөңгелектегі жарықшақ себеп болуы мүмкін. Бес вагон (№14, 15, 16, 17, 18) рельстен шығып кетті. Қаза болғандар мен зардап шеккендер жоқ. Апатқа байланысты жолаушылар мен жүк пойыздары басқа жолмен жүреді", – деп мәлімдеді БҚО төтенше жағдайлар департаменті.

Ведомствоның ақпары бойынша, төтенше жағдайды жоюға "Ресей темір жолы" ААҚ-ның 16 жұмысшысы мен БҚО ТЖД-ның төрт қызметкері жұмылдырылған.

"Қазір арнайы қызметтер жөндеу жұмыстарымен айналысып жатыр", – деп мәлімдеді Бөкей ордасы ауданының әкімі Нұрлан Рақымжанов.

Оның айтуынша, пойыздың аударылуына вагондардағы ақау себеп болуы мүмкін.

Оқиғаның нақты себебін құзырлы органдар анықтайды, төтенше жағдайға байланысты тексеріс басталды.

Еске сала кетейік, биыл 23 қаңтарда Қарағанды облысының Қарабас стансасында Нұр-Сұлтаннан Жезқазған қаласына бағыт алған пойыздың төрт вагоны рельстен шығып кеткен болатын.

Ең маңызды әрі қызықты жаңалықтарды біздің Telegram арнамыздан оқыңыздар!

Тағы да оқыңыздар
Жүктеу...
Батыс Қазақстан облысында пойыз аударылды
Mailfire view pixel