RU

Назарбаев пен Путин Мәскеудегі кездесуде не туралы сөйлесті (фото)

Нұрсұлтан Назарбаев РФ президенті Владимир Путинмен кездесуде Ресей барлық сала бойынша Қазақстанның сенімді серіктесі екенін атап өтті деп хабарлайды KAZ.NUR.KZ Елбасының сайтына сілтеме жасап.

ааааа
Фото: elbasy.kz: Instagram

Әңгіме барысында тараптар ЕАЭО аясындағы серіктестік мәселелерін талқылады.

"Интеграциялық бірлестік жұмыс істеп жатыр және оның болашағы зор деп санаймын. Құрметті Төраға ретінде мен одақтың одан әрі дамуына өз үлесімді қосамын", – деді Нұрсұлтан Назарбаев.

Қазақстанның Тұңғыш президенті екі ел арасындағы қатынастар тату көршілік пен одақтастық рухында және қағидаттарына сәйкес дамып келе жатқанын атап өтті.

Сонымен қатар, Нұрсұлтан Назарбаев пен Владимир Путин ғылым және білім саласындағы ынтымақтастық мәселелеріне ерекше назар аударды.

Назарбаев пен Путин Мәскеудегі кездесуде не туралы сөйлесті (фото)
Фото: elbasy.kz: UGC

Өз кезегінде Владимир Путин Қазақстанның Тұңғыш президентінің интеграциялық процестерді дамытуға және екі ел арасындағы стратегиялық серіктестікті нығайтуға қосқан үлесін атап өтті.

"Біз саяси диалогты жалғастырып келеміз. Президент Қасым-Жомарт Тоқаевпен үнемі кездесіп отырамыз. Біздің елдеріміздің үкіметтері қарқынды жұмыс істеп жатыр. Өткен жылы екі ел арасындағы сауда 19,7 пайызға артып, 20 миллиард долларға жетті. Бұл жақсы көрсеткіш", - деді Ресей президенті.

Сонымен қатар, тараптар халықаралық күн тәртібіндегі өзекті мәселелерді талқылап, әлемдік көмірсутегі нарығындағы ахуал туралы пікір алмасты.

Естеріңізге сала кетсек, бұған дейін Ресей астанасында Нұрсұлтан Назарбаев пен Владимир Путин кездескені туралы хабарлаған едік.

Ең маңызды әрі қызықты жаңалықтарды біздің Telegram арнамыздан оқыңыздар!

Оригинал статьи: https://kaz.nur.kz/1844763-nazarbaev-pen-putin-mskeudegi-kezdesude-ne-turaly-sjlesti-foto.html