Выйти
RU

"Таза жабайылық": Әбдікәрімова пәтерін азық-түлікке лық толтырғандарға шүйлікті

Рассказать в Telegram Рассказать Вконтакте

Қазақстандық шоу-бизнес жұлдызы Қайрат Нұртастың әйелі Жұлдыз Әбдікәрімова соңғы кезде қоғамда орын алып жатқан жағдайларға қатысты пікір білдірді. Ол дүрбелеңге бой алдырып, дүкен сөрелерінде азық-түлік қалдырмай алып кетіп жатқандар жайлы өз ойын ашық айтты. Хитменнің жары үйін тамаққа лық толтырып алып, желіде мақтанып видео жариялап жүрген отандастарын сынап тастады деп жазады KAZ.NUR.KZ.

Фото: Instagram/zhuldyzabdukarimovaofficial/видеодан кадр. Коллаж: KAZ.NUR.KZ

Фото: Instagram/zhuldyzabdukarimovaofficial/видеодан кадр. Коллаж: KAZ.NUR.KZ

Жұлдыз Әбдікәрімова Instagram желісінде ашуға толы жазба жариялап, "дүкенді үйіне көшіріп алған" қазақстандықтардың әрекетін таза жабайылыққа теңеді.

"Видеодағы жағдай таза жабайылық дер едім. Азық-түлік сататын базарлар жұмыс істеп тұр. Біздің буын және бізден кейінгі буын мұндай кезде қайтпек керегін білмейді.

Себебі біз соғысты, ашаршылық пен нәубетті бастан өткермедік. Оған қарсы тұрар иммунитет жоқ. Ал орта және аға буын көрген зұлматтың дәмін ұмытпағандықтан сәл нәрседен сескенеді. Бірден реакция танытады. Меніңше қазір біздің қоғамда дәл осы екі эмоция қақтығысуда.

Бірақ екі буынға да ортақ бір-ақ нәрсе бар. Ол - жауапкершілік. Өз өміріңізге алаңдамасаңыз да, өзіңізбен бірге өзгені де ала кететініңізді естен шығармау керек.

Сақтанбай, вирус жұқтырған сәтте, сіз бір емес бірнеше жүз, мың, миллион өмір үшін жауап бере аласыз ба?! Сіздің салғырттығыңыз үшін жазықсыз бала, қарт, жар, ана, әке, ата, сәби жапа шегеді.

Сондықтан “Ой, саясат үшін ойлап тапқан жоқ нәрсе”, “Маған ешқашан жұқпайды”, “Мешіт - құдай үйі. Онда баруға тыйым жоқ” деген қыңыр әңгімелерді қысқарту керек.
Ойынға айналдырып болған шығармыз. Тіпті Трамптың да сарказмына айналдық қой. Болар енді. Естияр болайық. Өз өміріміз үшін жауапкершілік алайық" , - деп жазды Қайрат Нұртастың келіншегі.

Айта кетейік, бұған дейін Ләйлә Сұлтанқызы ТЖ режимі ресми түрде енгізілген соң, елорда өміріндегі өзгерістерді тізіп берген болатын.

Ең маңызды әрі қызықты жаңалықтарды біздің Telegram арнамыздан оқыңыздар!

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
"Таза жабайылық": Әбдікәрімова пәтерін азық-түлікке лық толтырғандарға шүйлікті