RU

Өзбекстан парламенті карантинге жабылды

Рассказать в Telegram Рассказать Вконтакте

Өзбекстанда төменгі парламент палатасы 16 наурыздан бастап карантинге жабылды деп хабарлайды KAZ.NUR.KZ centralasia.media басылымына сілтеме жасап.

Өзбекстан парламенті карантинге жабылды

Фото: parliament.gov.uz

Бұл туралы жергілікті БАҚ-қа берген сұхбатында депутат Дониёр Ганиев хабардар еткен.

Комитет отырыстары, палата комитеттері мен фракцияларының пленарлы отырыстары үкіметтің қабылдаған шараларына сәйкес тоқтатылған.

Депутаттың хабарлауынша, парламент ғимаратына кіреберісте медициналық бақылау жүргізіліп, жеке гигиена ережелерінің сақталуы қатаң бақылауға алынған.

"Карантинге байланысты қатаң шаралар төменгі палатаның жұмысы тоқтағанын білдірмейді. Қазіргі уақытта парламентте барлық құжаттардың электронды алмасуына жағдай жасайтын ішкі электрондық жүйе жұмыс істейді", - деді Ганиев.

Депутаттың айтуынша, заң жобаларын талқылау атқарушы биліктің заңды орындауын бақылау, азаматтарды қабылдап, олардың өтініштерін қарау электрондық түрде жүзеге асырылатын болады.

Соңғы мәліметтерге сәйкес, Өзбекстанда 15 адамнан коронавирус анықталған.

Ал біздің елімізде 36 адамның инфекция жұқтырғаны белгілі болды. Олардың 18-і Алматыда, 18-і Нұр-Сұлтанда.

Ең маңызды әрі қызықты жаңалықтарды біздің Telegram арнамыздан оқыңыздар!

Тағы да оқыңыздар
Жүктеу...
Өзбекстан парламенті карантинге жабылды
Mailfire view pixel