"Сіз мен үшін үйде болыңыз": Ақ халаттылар коронавирусқа қарсы флешмоб бастады (фото)

Қазақстандық дәрігерлер коронавирусқа қарсы флешмоб бастады. Олар карантин кезінде адамдардан ауру жұқтырып алмау үшін сыртқа шықпай, үйде отыруды сұрады деп хабарлайды KAZ.NUR.KZ.

Ақ халаттылардың суреті Жамбыл облысы денсаулық сақтау басқармасының Facebook парақшасында жарияланды.

Суретте дәрігерлер "Мен Сіз үшін жұмыста қалдым, Сіз мен үшін үйде болыңыз" деген жазуы бар парақ ұстап тұр.

Флешмоб коронавирустың салдарынан үйде отыруға мәжбүр болған қала тұрғындарына арналды.

Дәрігерлер карантин кезінде адамдарды сыртқа шықпай, үйде болуға шақырды.

Естеріңізге сала кетейік, Түркістанда коронавирус жайлы жалған ақпарат таратқан үш адам он жылға сотталуы мүмкін.

Осыған дейін 23 жастағы Өскемен тұрғыны маска сатып аламын деп алаяқтардың құрбаны болғанын жазған едік.

Айта кету керек, Алматыда коронавирус жұқтырған тағы бір адам анықталды.

Бүгін түнгі сағат 00:00-де Алматы мен Нұр-Сұлтан қалалары карантинге жабылады. Бұл вирустың Қазақстанның басқа да қалаларына таралуына жол бермес үшін жасалып жатыр.

Алматы қаласы әкімінің бірінші орынбасары Ерлан Қожағапанов өкпені жасанды желдету аппараттары жеткіліксіз екенін айтты.

Ең маңызды әрі қызықты жаңалықтарды біздің Telegram арнамыздан оқыңыздар!