RU

Нұр-Сұлтан дәріханаларына бір аптада миллион маска жеткізілмек

Елордаға бір аптада миллион медициналық маска жеткізіледі. Бұл туралы Нұр-Сұлтанда өткен баспасөз мәслихатында қаланың инвестициялар және кәсіпкерлікті дамыту басқармасының басшысы Ерлан Бекмырзаев мәлімдеді деп хабарлайды KAZ.NUR.KZ Sputnik Қазақстанға сілтеме жасап.

Көрнекі фото: NUR.KZ / Петр Карандашов
Көрнекі фото: NUR.KZ / Петр Карандашов: Original

Бекмырзаев өткен аптада қаладағы дәріханаларға төрт жүз мыңға жуық маска жеткізілгенін атап өтті.

"Қосымша бетперделерге келсек, біз қазір жұмыс жүргізіп жатырмыз. Бір апта ішінде бір миллион маска сатып алынады", – деді ол.

Сондай-ақ басқарма басшысы министрлікпен әлеуметтік маңызы бар азық-түлік тауарларына шекті баға бекіту мәселесі талқыланғанын жеткізді.

Айта кетейік, Нұр-Сұлтанда коронавирус инфекциясын жұқтырған тағы жеті адам тіркелді.

Олардың жасы 25 пен 52 арасында. Барлығы осыған дейін коронавирус жұқтырған науқастармен тығыз байланыста болған.

Осылайша, елімізде COVID-19 инфекциясын жұқтырғандар саны 44-ке жетті. Оның 19-ы Алматыда, 25 -і Нұр-Сұлтанда.

Еске сала кетейік, бұған дейін Нұр-Сұлтан қаласы әкімінің орынбасары Бақтияр Макен коронавирусқа қарсы қала билігі қандай жұмыс істеп жатқанын айтқан еді.

Ең маңызды әрі қызықты жаңалықтарды біздіңTelegram арнамыздан оқыңыздар!

Оригинал статьи: https://kaz.nur.kz/1846313-nr-sltan-drihanalaryna-bir-aptada-million-maska-zetkizilmek.html