RU

Тоқаевтың баспасөз хатшысы: Халық үніне құлақ асатын мемлекет қалыптасуда

Рассказать Вконтакте

Ел президенті Қасым-Жомарт Тоқаевтың баспасөз хатшысы Берік Уәли Айқын басылымына берген сұқбатында халық үніне құлақ асатын мемлекет қалыптасып жатқанын айтты деп хабарлайды KAZ.NUR.KZ порталы.

Берік Уәли. Фото: ptrk.kz

Берік Уәли. Фото: ptrk.kz

Берік Уәли мемлекет басшысының сайлау алдында берген уәделерін қалай жүзеге асырып жатқанына тоқталды.

"Сайлаудағы жеңіс Қасым-Жомарт Кемелұлының ұсынған бағытын қоғамның толық қол­дайтынын көрсетті. Сайланған президент халыққа берген уә­десін орындау үшін жұмысқа бірден кірісіп кетті.
Қасым-Жомарт Тоқаев 2019 жылғы 12 маусымда өткен ұлық­тау рәсімінде бірқатар жаңа идеяны айтқан болатын. Оның бәрі Президенттің жыл бойғы атқарған жұмысында анық кө­рініс тапты. Соның ішінде Ұлттық қоғамдық сенім кеңесі мен "Ха­лық үніне құлақ асатын мемлекет" тұжырымдамасына көшу бас­тамаларын атап өткім келеді. Қазір байқасаңыз, шын мәнінде халықтың үніне құлақ асатын, елдің арыз-арманын тыңдап, жедел жауап беретін, мәселелерін шұғыл қарастыратын мемлекеттік аппарат қалыптасып келеді", - деді ол.

Мемлекет басшысының баспасөз хатшысы Тоқаевтың жұмыс стилі мен ұстанымдарын қалай сипаттайтынын айтып берді.

"Қасым-Жомарт Кемелұлы Қазақстан президенті қызметін атқарған бір жыл ішінде жүйелік, жеделдік, нақтылық, баста­машылдық сияқты ұстанымдарды басшылыққа алатынын көрсетті", - деді Берік Уәли.

Ол бір жыл ішіндегі президент бір жылда қандай жетістікке жеткенін тілге тиек етті.

"Президент­тің былтырғы жұмыс кестесінің өте тығыз болғанын қарапайым статистикалық мәліметтерден-ақ көруге болады. Ол бір жылда 67 заңға, 357 Жарлыққа, 158 өкімге қол қойды.
2019 жылдың наурызынан бастап Мемлекет басшысы 500-ге жуық түрлі іс-шараға қатысты. Соның ішінде 2 қыркүйектегі Қазақстан халқына арналған алғашқы Жолдауы ерекше орын алады.
Қасым-Жомарт Тоқаев ел ішінде 26 жұмыс сапарын жасап, бүкіл өңірді аралап шықты. Ал сыртқы саясат бойынша Прези­денттің қатысуымен 100-ден астам кездесу мен іс-шара өтті.
Мемлекет басшысы бір жыл ішінде еліміздің өңірлерінде – 30, шетелде – 28, жалпы 58 күн ісса­парда болды.
Қасым-Жомарт Кемелұ­лы­ның масс-медиамен ықпал­дас­тығын ерекше атап өткен жөн. Бір жыл ішінде ол шет мемле­кеттердің және халықаралық ұйым басшыларымен бірлесіп, 3 баспасөз мәслихатын, 8 брифинг өткізді. Мемлекет басшысы отан­дық және шетелдік БАҚ өкіл­деріне 18 сұхбат берді. Газеттерде екі мақаласы жарыққа шықты. Оның Twitter парақшасында 1,1 мыңға жуық хабарламасы және Instagram-да 72 жазбасы жа­рияланды", - деді Тоқаевтың баспасөз хатшысы.

Ең маңызды әрі қызықты жаңалықтарды біздің Telegram арнамыздан оқыңыздар!

Тағы да оқыңыздар
Жүктеу...
Тоқаевтың баспасөз хатшысы: Халық үніне құлақ асатын мемлекет қалыптасуда
Mailfire view pixel