Выйти
RU

Мамин Нұр-Сұлтандағы карантин режимі кезіндегі жұмыстарды тексерді

Рассказать в Telegram Рассказать Вконтакте

Қазақстан Республикасының премьер-министрі Асқар Мамин Нұр-Сұлтанда карантин режимін қамтамасыз ету жұмыстарын тексеріп шықты. Үкімет басшысы елорда кіреберісіндегі блок-бекеттерін аралап, бірқатар тапсырма жүктеді деп хабарлайды KAZ.NUR.KZ әкімдіктің ресми сайтына сілтеме жасап.

Фото: Нұр-Сұлтан әкімдігі

Фото: Нұр-Сұлтан әкімдігі

2020 жылғы 19 наурызда президент жанындағы төтенше жағдайды қамтамасыз ету жөніндегі мемлекеттік комиссия төрағасы – премьер-министрі Асқар Мамин Нұр-Сұлтан қаласында карантин режимін қамтамасыз ету жұмыстарын тексерді.

Нұр-Сұлтан қаласынан шыға берістегі «Нұр-Сұлтан – Петропавл» автожолы бойындағы №2 бақылау-өткізу бекетін аралау кезінде үкімет басшысына елорданың карантинге жабылуы кезіндегі ішкі істер қызметкерлерінің, санитариялық-эпидемиологиялық бақылау және Қарулы Күштердің әскери қызметкерлерінің бекеттегі қызметі туралы баяндалды.

Фото: Нұр-Сұлтан әкімдігі

Фото: Нұр-Сұлтан әкімдігі

Мамин қажет болған жағдайда стационарлық карантинді қамтамасыз ету үшін қалалық инфрақұрылым нысандарын қайта жарақтау бойынша атқарылып жатқан жұмыстар барысымен танысты.

Үкімет басшысы елорда әкімдігінің, полиция және денсаулық сақтау қызметкерлері мен Қарулы Күштердің әскери қызметкерлерінің карантин режимі жағдайында үйлесімді жұмысын қамтамасыз етуді тапсырды.

Фото: Нұр-Сұлтан әкімдігі

Фото: Нұр-Сұлтан әкімдігі

Тексеру сапарына Нұр-Сұлтан қаласының әкімі А. Көлгінов, денсаулық сақтау министрі Е. Біртанов, ішкі істер министрі Е. Тұрғымбаев және қорғаныс министрі Н. Ермекбаев қатысты.

Айта кетейік, бұған дейін мемлекет басшысы Қасым-Жомарт Тоқаев елорда сыртындағы блок_бекеттерді тексеріп шыққан болатын.

Ең маңызды әрі қызықты жаңалықтарды біздің Telegram арнамыздан оқыңыздар!

Жазылып, Қазақстандағы соңғы жаңалықтар мен фото, видео, өзге де экслюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Мамин Нұр-Сұлтандағы карантин режимі кезіндегі жұмыстарды тексерді