RU

Үндістанда бетін жаппай түшкірген ер адам соққыға жығылды

Рассказать Вконтакте

Үндістанның Махараштра штатындағы Колхапур қаласында бетін жаппастан түшкірген мотоцикл жүргізушісі соққыға жығылды деп хабарлайды KAZ.NUR.KZ Lenta.ru-ға сілтеме жасап.

үндістан

Видеодан кадр: Lenta.ru

Екі мотоциклшінің арасындағы жанжал көшедегі бейнебақылау камерасына түсіп қалған.

Оқиға ер адам екінші бір мотоциклшінің жанынан өтіп бара жатқан сәттен бастау алған. Біріншісі тоқтап, түшкірген жігіттен коронавирус таралып жатқан кезде бетін неге жаппағанын сұраған.

Сөйлесудің арты екі ер адамның қақытығысына ұласқан. Соның салдарынан көлік кептелісі басталыпты.

Еске сала кетсек, елімізде коронавирус жұқтырған науқастар саны артып жатыр. Соңғы деректерге сүйенсек, инфекция 57 адамнан табылған. Нұр-Сұлтанда 31, Алматыда 23, Қарағандыда 2, Алматы облысында 1 адамнан коронавирус анықталған.

Сондай-ақ Денсаулық сақтау министрлігінің ресми өкілі Диас Ахметшәріп бүгін вирус табылған науқас жайлы тың ақпаратпен бөлісті. Оның сөзінше, пациенттің бірі Лондоннан ұшып келген шетелдік дипломат. 1976 жылы туған азамат Нұр-Сұлтан қаласында жұмыс істейді.

Одан бөлек, 2020 жылдың 22 наурызынан бастап COVID-19 коронавирустық инфекциясына тест тапсырмағандар Қазақстан астанасына кіре алмайтыны белгілі болды.

Ең маңызды әрі қызықты жаңалықтарды біздің Telegram арнамыздан оқыңыздар!

Тағы да оқыңыздар
Жүктеу...
Үндістанда бетін жаппай түшкірген ер адам соққыға жығылды
Mailfire view pixel