RU

Алматыда коронавирус жұқтырған екі жаңа науқас карантинде болған

Кеше оңтүстік астанадан коронавирус жұқтырып алған тағы екі адам анықталды. Бүгінгі күні оларға қатысты тың мәліметтер белгілі болды. Қос науқас та карантинде жатқан деп хабарлайды KAZ.NUR.KZ.

Көрнекі фото: pixabay.com
Көрнекі фото: pixabay.com: Depositphotos

Алматы қаласының қоғамдық денсаулық басқармасының басшысы Тлеухан Әбілдаевтің сөзінше, вирусты жұқтырған соңғы екі науқас та бұған дейін COVID-19-ға шалдыққандармен байланыста болған. Соған орай, олар стационарда карантинде жатқан.

Соңғы мәліметтерге сәйкес, бүгінгі күні Алматыда инфекциялық ауруханада 22 адам жатыр.

"Екі науқастың да жағдайы қанағаттандырарлық. Бүгінгі таңда, қалалық жұқпалы аурулар ауруханасында - 22, балалар жұқпалы аурулар ауруханасында екі бала және ауру жұқтырған бір ана бар. Қазір екі аурудың, оның ішінде бір баланың денсаулығы орта ауырлық жағдайында, қалғандарының жағдайы қанағаттандырарлық.
Бүгінде қаланың провизорлық госпитальдерінде 660 азамат, ал үй карантинінде 1462 адам бар. Қосымша карантиндік стационарларда 778 адам жатыр. Карантинге оқшауланған барлық азаматтардың дене қызуы қалыпты дерлік жағдайда, катаралдық ауытқулары жоқ" , - деді Әбілдаев.

Айта кетейік, бұған дейін елімізде коронавирус жұқтырған адамдардың саны 60-қа жеткенін хабарлаған болатынбыз. Нұр-Сұлтан әкімі елордадағы карантин талаптарын күшейтіп тастады.

Қазіргі таңда, әлем бойынша вирусты жұқтырғандардың саны 337 мыңнан асып кетті. Бүгінгі күні COVID-19-ға қатысты Италия мемлекетінің жағдайы қиын болып тұр. Олар коронавирустан қазақ тапқандардың көрсеткіші бойынша көш бастап тұр.

Ең маңызды әрі қызықты жаңалықтарды біздің Telegram арнамыздан оқыңыздар!

Оригинал статьи: https://kaz.nur.kz/1846847-almatyda-koronavirus-zktyrgan-eki-zaa-naukas-karantinde-bolgan.html