RU

Алматыда коронавирус анықталған жаңа пациенттерге қатысты дерек шықты

Рассказать Вконтакте

Алматы қаласында соңғы тәулікте коронавирус жұқтырғандарға қатысты жаңа мәліметтер пайда болды деп хабарлайды KAZ.NUR.KZ порталы Coronavirus2020.kz сайтына сілтеме жасап.

Көрнекі фото: pixabay.com

Көрнекі фото:pixabay.com

Айта кетейік, 24 наурыздағы жағдай бойынша оңтүстік астанада COVID-19 инфекциясын жұқтырудың үш жаңа дерегі тіркелген.

Ресми сайттың дерегінше, олардың бірі – 1985 жылы туған, 19 наурызда Стамбул-Алматы рейсімен ұшып келген пациент. Екіншісі, Мәскеу-Алматы рейсімен ұшып келген бұған дейін вирусы анықталған пациентпен байланыста болған адам.

Пациенттердің жай-күйі – қанағаттанарлық.

Қазіргі уақытта Қалалық клиникалық жұқпалы аурулар ауруханаларында 29 пациент ем қабылдауда.

Бүгінгі күні екі баланың жай-күйі орташа ауырлық деңгейінде, оның ішінде 1 бала оң динамикамен емделуде, қалған науқастардың жағдайы – қанағаттанарлық.

Провизорлық госпитальдарда 672 адам, карантинде – 598, үй карантинінде – 1549 адам бар.

Карантиндегі барлық адамның температурасы қалыпты жағдайда, катаралдық құбылыстар жоқ.

Қазақстандағы коронавирус бойынша 24 наурыздағы 12:00 сағаттағы жағдай бойынша Нұр-Сұлтан қаласы бойынша 35, Алматы қаласында – 29, Қарағанды қаласында - 2, Алматы облысында - 1, Ақтөбе облысында - 1 адамнан вирус анықталып отыр.

Жалпы алғанда елімізде COVID-19 инфекциясын жұқтырған 68 адам тіркелген.

Ең маңызды әрі қызықты жаңалықтарды біздің Telegram арнамыздан оқыңыздар!

Тағы да оқыңыздар
Жүктеу...
Алматыда коронавирус анықталған жаңа пациенттерге қатысты дерек шықты
Mailfire view pixel