Шымкентте тағы бір адам коронавирус жұқтырғаны анықталды

Шымкентте коронавирус инфекциясын жұқтыру бойынша екінші жағдай тіркелді. Сонымен, елімізде қауіпті індет салдарынан дертке шалдыққандар саны сексенге жетті деп хабарлайды KAZ.NUR.KZ.

25 наурыз күні сағат 16: 40-та Қазақстанның оңтүстігіндегі көп халық шоғырланған Шымкент қаласында коронавирус жұқтырған тағы бір адам бар екені анықталды.

Бүгінгі таңда елімізде қауіпті вирус жұқтырудың 80 жағдайы расталды.

Естеріңізге сала кетсек, бүгін таңғы уақытта бірден жеті адамда коронавирус инфекциясы расталып, еліміз бойынша инфекция жұқтырғандар саны 79 болғанын жазған едік.