Выйти
RU

Өтінемін, ақымақ болмаңыздар: Коронавирус жұқтырған адам әлем халқына үндеу жасады

Рассказать в Telegram Рассказать Вконтакте

Англияда коронавирустық инфекциямен жансақтау бөлімінде жатқан науқас әлем халқына үндеу жасады. Ер адам көпшіліктен сақтық шараларын барынша ұстап, ет жақындарының өмірін қатерге тікпеулерін өтінді деп хабарлайды KAZ.NUR.KZ Lenta.ru-ға сілтеме жасап.

Өтінемін, ақымақ болмаңыздар: Короновирус жұқтырған адам әлем халқына үндеу жасады

Мэтт Доккрэй. Фото: lenta.ru

Марлоу қаласы, Бакингемшир графтығының тұрғыны Мэтт Доккрэй 1 наурызда футбол көріп отырған кезде аздап жөтеле бастапты.

Оның айтуынша, үш апта ішінде жөтелге дене қызуы, бас ауруы мен қалтырау қосылған. Күн сайын денсаулығы нашарласа да, ол барынша сыр бермеуге тырысқан.

Доккрэй дәрігердің қабылдауында болып, оған маусымды ЖРВИ диагнозы қойылған. Алайда ол қажетті ем қабылдаса да жағдайы нашарлай түскен.

Ақыр соңында, ер адамның жұбайы үйіне дәрігерлерді шақырып, науқастың коронавирус жұқтырғаны анықталған.

"Мен қазір жансақтау бөліміндемін. Жақында ғана маған көңіл көншітпейтін болжамдар жасады. Менің екі өкпем де істен шыққан. Дәрігерлер мені өкпені жасанды демалдыратын аппаратқа қосуға дайындады. Бірақ мен әрбір тынысым үшін күресіп, сауығу үшін бәрін жасауға шешім қабылдадым. Үш күн өткен соң менің жағдайым тұрақталды. Алайда бұл өзімді жақсы сезінетінімді білдірмейді", - дейді Доккрэй.

Интенсивті терапия бөлімінде жатқан британиялық азамат адамдарға коронавирустың қауіпті екенін ескертті. Ол өзіне ауру жұқпайды деп есептейтін, карантинді сақтамайтындарға үндеу жасады.

"Әр сағат сайын COVID-19 пандемиясынан көз жұмған науқастармен олардың отбасылары терезе арқылы қоштасып тұрғанын көремін. Өтінемін, ақымақ болмаңыздар. Мен тіпті, қатты қамыққан кезде әйелім мен балама қоштасу видеосын жазып қойдым", - дейді 39 жастағы ер адам.

Сондай-ақ Доккрэй адамдарды жаппай азық-түлік сатып алуды тоқтатуға, сақтық шараларын сақтауды ұмытпай, туыстары мен жақындарының денсаулықтарын қатерге тікпеуге шақырды.

Еске сала кетсек, соңғы деректер бойынша әлемде 21 мыңнан аса адам коронавирустан қайтыс болған.

Ең маңызды әрі қызықты жаңалықтарды біздіңTelegram арнамыздан оқыңыздар!

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Өтінемін, ақымақ болмаңыздар: Коронавирус жұқтырған адам әлем халқына үндеу жасады