RU

Қазақстанның басқа өңірлеріне қандай жағдайда карантин енгізіледі

Telegram logo VKontakte logo

Денсаулық сақтау министрлігі қандай жағдайда Қазақстанның өзге өңірлеріне карантин енгізілетінін айтты. Ведомствоның ресми өкілінің сөзінше, бұл үшін COVID-19 жұқтырғандардың саны бестен асуы керек деп хабарлайды KAZ.NUR.KZ.

карантин

Көрнекі фото: NUR.KZ: Original

"Ведомствоаралық комиссияның қаулысына сәйкес, егер басқа қалаларда коронавирустық инфекциямен ауырғандар саны бес адам және одан да жоғары болса карантин енгізіледі", - деді Диас Ахметшәріп.

Сонымен бірге ол мұндай шешімді жергілікті атқарушы орган, яғни әкімдік қабылдайтынын атап өтті.

Еске сала кетсек, соңғы мәліметтерге сәйкес, Қазақстанда 97 адамнан коронавирус табылды. COVID-19 жұқтыру дерегі Нұр-Сұлтан, Алматы, Шымкент, Қарағанды қалалары мен Алматы, Ақтөбе, Жамбыл және Солтүстік Қазақстан облыстарында тіркелген.

COVID-19 инфекциясына байланысты президент жарлығымен Қазақстанда 16 наурызда бастап 15 сәуірге дейін төтенше жағдай жарияланған.

Ал еліміздің екі ірі қаласы Алматы мен Нұр-Сұлтанда вирустың таралуына жол бермес үшін 19 наурыздан бастап карантин режимі енгізілген.

Айта кетейік, төтенше жағдай кезінде заңды талаптарды орындамаған азаматтар жауапкершілікке тартылады.

Мәселен санитариялық-эпидемиологиялық қадағалау органдарының нұсқамаларын орындамағаны (ӘҚБтК-нің 462-бабының 3-бөлігі – 500 АЕК-ке дейін айыппұл) және санитариялық ережелер мен гигиеналық нормаларды бұзғаны үшін (ӘҚБтК-тің 425-бабы – 5 млн теңгеге дейін айыппұл) әкімшілік жауаптылық белгіленген.

Ең маңызды әрі қызықты жаңалықтарды біздің Telegram арнамыздан оқыңыздар!

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

comments icon Пікірлер
Развернуть
Қазақстанның басқа өңірлеріне қандай жағдайда карантин енгізіледі