Қазақстанда тағы бір медбике коронавирус жұқтырып алды

Қазақстанда екінші медициналық қызметкерден коронавирус анықталды. Ол инфекция жұқтырған әйел адамға күтім жасаған деп хабарлайды KAZ.NUR.KZ.

Sputnik Қазақстанның мәліметінше, медбике Қазақстанда коронавирус анықталған екінші дәрігер ғана емес, сонымен қатар Қызылорда облысындағы вирус жұқтырған екінші адам.

Ауру жұқтырған сәтте 1997 жылы туған медбике Қызылордадағы "Сенім" емханасында жұмыс істеген.

Қазіргі таңда оның жағдайы қанағаттанарлық деп бағаланып отыр. Ауру белгілері де әлсіз. Жөтел және гипертермия жоқ, тыныс алу мүшелері қалыпты жұмыс істеуде. Бүгінде медбикемен байланыс жасаған адамдар тобы анықталуда.

Қазіргі мәліметтерге сәйкес, медбике коронавирус расталған 65 жастағы пациентке күтім жасаған.

Ал ол 1 наурыз күні Оңтүстік Кореядан келген, содан кейін алдын-алу шарасы ретінде 14 наурызға дейін карантинге жатқызылды. Кейіннен үй карантиніне алынып, ақ халаттылар бақылап тұрады. Көп ұзамай 65 жастағы тұрғынның COVID-19 инфекциясын жұқтырғаны белгілі болып, ауруханаға жеткізіледі.

Бұл Қызылорда облысында инфекция жұқтырудың бірінші жағдайы болатын.

Естеріңізге сала кетейік, бұған дейін Атырау облысында медициналық қызметкердің коронавирус анықталғанын хабарлаған едік.

Ең маңызды әрі қызықты жаңалықтарды біздің Telegram арнамыздан оқыңыздар!