Выйти
RU

Нұр-Cұлтанда онкоорталық дәрігерлері коронавирус жұқтырып алды

Рассказать в Telegram Рассказать Вконтакте

Денсаулық сақтау министрі Елжан Біртанов елордалық онкологиялық орталық пен "Мейірім" клиникасының дәрігерлері коронавирусты қалай жұқтырып алғанын айтып берді деп хабарлайды KAZ.NUR.KZ.

Көрнекі фото: NUR.KZ

Көрнекі фото: NUR.KZ

Елжан Біртанов "Мейірім" клиникасының дәрігерлері қауіпті инфекцияны көмек сұрап келген науқастан жұқтырып алғанын хабарлады. Осыған орай, министрлік басшысы ЖРВИ белгілері бар қазақстандықтардан емханаларға өздігінен бармай, жедел жәрдем шақыруын сұрады.

Оған қоса, министр кейбір медициналық ұйымдардың басшыларына сақтық шараларын барынша сақтап, вирусқа немқұрайлы қарау арқылы өз қызметкерлерінің инфекцияны жұқтырып алуына жол бермеуге шақырды.

Ал ұлттық ғылыми онкологиялық орталықтағы коронавирус жұқтыру оқиғасы науқастан болмаған. Біртановтың сөзінше, бұл тек алдын ала мәлімет. Нақты деректер эпидемиологиялық тергеу аяқталғаннан кейін жарияланбақ.

«Бұл арнайы мамандандырылған инфекциялық стационар емес, көпсалалы медициналық мекеме болғандықтан инфекция қызметкерлер арасында тез тарап кеткен " , - деді Біртанов.

Қазіргі таңда, аталмыш мекеме крантинге жабылды.

"Басты мақсат - cол жердегі науқастарды емдеп, барынша қауіпсіздендіру. Бүгінде клиниканы кезең бойынша жабу үрдісі жүріп жатыр. Кейіннен толықтай дезинфекция шаралары жүргізілетін болады" , - деді министр.

Айта кетейік, бұған дейін Елжан Біртанов Қазақстандағы коронавирус жағдайына байланысты болжам жасаған болатын. Министр елімізде қауіпті вирусты жұқтыратын адамдар саны 3500-ден аспайтынын мәлімдеді.

Ең маңызды әрі қызықты жаңалықтарды біздің Telegram арнамыздан оқыңыздар!

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Нұр-Cұлтанда онкоорталық дәрігерлері коронавирус жұқтырып алды