RU

"Мешіт айналасы тым-тырыс": Алматының карантиндегі қазіргі күйі қандай

Бүгін Қазақстан аумағына ТЖ режимі енгізілгеніне 17 күн болды. Өткен аптада еліміздің оңтүстік астанасы мүлдем карантинге жабылып, қала ішіндегі қозғалысқа да бірқатар қатаң шектеу қойылды. Коронавирус салдарынан орын алған жағдайдан соң үздіксіз қозғалыста жататын Алматының өмірі бүгінде күрт өзгерген. KAZ.NUR.KZ тілшілері шаһар көшелеріне шығып, оның қазіргі тыныс-тіршілігі қандай екенін біліп қайтты.

Фото: NUR.KZ/Петр Карандашов
Фото: NUR.KZ/Петр Карандашов: Twitter

Карантин режимі жарияланғалы Алматының іші тым-тырыс болып қалды. Қала көшелерінде бұрынғыдай толассыз кептеліс бүгінде мүлдем жоқ.

Көліктер саны расында азая түскен. Шаһар ішінде жүрген автоларды тәртіп сақшылары жіті тексеріп, жүргізушілердің қандай мақсатта шыққанын анықтауда.

Фото: NUR.KZ/Петр Карандашов
Фото: NUR.KZ/Петр Карандашов: Original

Қоғамдық көлік қозғалысы тоқтамаған. Алайда, қала бойынша қатынайтын автобустардың саны қысқарған. Олардың ішінде де жолаушылар өте аз.

Бұл жағдай метрода да көрініс тапты. Жер асты қозғалысын қолданатын тұрғындар да азая түскен.

Фото: NUR.KZ/Петр Карандашов
Фото: NUR.KZ/Петр Карандашов: Original

Алматылықтар көптеп жиналып, серуендейтін "Арбат" бойында да адамдар өте аз.

Ол жерден тәртіпті қадағалап тұрған полиция қызметкерлерін көруге болады. Құқыққорғаушылар қала тұрғындарының қайда бара жатқанын тексеріп жатыр.

Фото: NUR.KZ/Петр Карандашов
Фото: NUR.KZ/Петр Карандашов: Original

Оңтүстік астанадағы орталық мешіт аумағы да тым-тырыс болып, тыныштық орнады.

Қасиетті ғимарат алдында отыратын көше кезбелері де қазіргі таңда жоқ болып кеткен. Алайда, олардың кейбірін аялдамалардан көріп қалдық. Ер адам көптің көзінше "жүрек жалғап" отырды.

Фото: NUR.KZ/Петр Карандашов
Фото: NUR.KZ/Петр Карандашов: Original

Фото: NUR.KZ/Петр Карандашов
Фото: NUR.KZ/Петр Карандашов: Original

Қорыта айтақнда, Алматы бүгінгі күні карантин режимін мойындап, сақтану мақсатында тыныштық күйіне көшкендей сыңай танытуда. Шаһар көшелері босап, тұрғындарды тек үйінің терезелері мен балкондарынан көруге болады.

Фото: NUR.KZ/Петр Карандашов
Фото: NUR.KZ/Петр Карандашов: Original

Фото: NUR.KZ/Петр Карандашов
Фото: NUR.KZ/Петр Карандашов: Original

Фото: NUR.KZ/Петр Карандашов
Фото: NUR.KZ/Петр Карандашов: Original

Фото: NUR.KZ/Петр Карандашов
Фото: NUR.KZ/Петр Карандашов: Original

Фото: NUR.KZ/Петр Карандашов
Фото: NUR.KZ/Петр Карандашов: Original

Ең маңызды әрі қызықты жаңалықтарды біздің Telegram арнамыздан оқыңыздар!

Мақаланың түпнұсқасы: https://kaz.nur.kz/1848427-mesit-ajnalasy-tym-tyrys-almatyny-karantindegi-kji-kandaj.html