Нұр-Сұлтанда отандық телеарна қызметкерінің мәйіті табылды

Нұр-Сұлтан қаласында Qazaqstan телеарнасының қызметкері Самал Жайнақова өлі күйінде табылды. Расталмаған ақпаратқа сәйкес, марқұмнан өлім алдындағы хат табылған. Бұл туралы KAZ.NUR.KZ kokshetau.asia сайтына сілтеме жасап хабарлайды.

Марқұм кинокөрсетілім және дубляж продюсері болып қызмет еткен.

Елорда полиция департаменті өлім фактісін растады, бірақ істің мән-жайын хабарлаған жоқ.

Айта кетейік, Денсаулық сақтау министрі Елжан Біртанов Қазақстанда коронавирус инфекциясын жұқтырған 11 науқас ауыр халде жатқанын мәлімдеді.

Бұл туралы Біртанов орталық коммуникациялар қызметіндегі брифингте айтып берді. Министрдің сөзінше, дүние жүзінде коронавирус жағдайы нашарлауда. Әлем бойынша, науқастар саны 8,4 пайызға өсіп, індеттен 53 мыңға жуық адам көз жұмған.

"Елімізде коронавирус жұқтыру бойынша барлығы 453 жағдай тіркелген. Олардың көбісі Нұр-Сұлтан (199) және Алматы (93) қалаларында. 29 адам емделіп, ауруханадан шығарылды. Қазіргі уақытта 11 науқастың жағдайы ауыр. Олар интенсивті реанимация бөлімдерінде ем қабылдауда. 68 пациент - орташа деңгейде, 341 пациенттің жағдайы жеңіл немесе симптомсыз науқастар", - деді ол.

Министр науқастармен байланыста болған 13 467 адам анықталғанын жеткізді. Олардың арасында 442 азамат шетелге шығып кеткен.

"Қалған 13025 азаматтың 96,7 пайызы табылып, стационарға және үйге оқшауланды. Бұл жұмыстар жалғасып жатыр", - деді денсаулық сақтау министрі Елжан Біртанов.

Соңғы деректер бойынша, Қазақстанда COVID-19 инфекциясын жұқтырған пациент саны 453. Олардың 29-ы сауығып, ауруханадан шықса, үш адам қайтыс болды.

Ең маңызды әрі қызықты жаңалықтарды біздің Telegram арнамыздан оқыңыздар!