Выйти
RU

Семей қаласында 14 жастағы мектеп оқушысы коронавирус індетін жұқтырған

Рассказать в Telegram Рассказать Вконтакте

Семей қаласында 14 жастағы мектеп оқушысы коронавирус инфекциясын жұқтырды. Онымен байланыста болған 51 адам анықталып, оқшауланды деп жазады KAZ.NUR.KZ.

Көрнекі фото: NUR.KZ

Көрнекі фото: NUR.KZ

Еске сала кетсек, 5 сәуірдің 09.15 уақытындағы эпидемиологиялық жағдай бойынша, коронавирус індетін жұқтырған тағы 20 адам тiркелгенін, оның бірі Шығыс Қазақстан облысынының тұрғыны екенін жазған болатынбыз.

Шығыс Қазақстан облыстық Денсаулық сақтау департаментінің басшысы Ілияс Мұхамеджанның айтуынша, 2006 жылғы Семей қаласының тұрғыны 30 наурыздан бастап ауырған.

Мектеп оқушысында құрғақ жөтел болып, дене қызуы 38°С дейін көтеріліпті.

3 сәуір күні оған рентгенографиялық тексеру жүргізіліп, соның нәтижесінде сол жақты жоғарғы бөлікті инфильтративті пневмония екендігі анықталған.

"4 сәуір күні пневмониямен ауыратын науқастарға мониторинг жүргізу жағдайы бойынша COVID-19-да тексерілді. Нәтижесі оң. Алгоритмді сақтай отырып, мамандандырылған стационарға ауыстырылды.Эпиданамнез бойынша науқас және оның жақын туыстары облыстан тыс жерлерге, басқа елдерге болмаған. Демалысқа шыққаннан кейін 13 наурыздан бастап үйден шықпаған", - деп мәлім етті ведомство басшысы.

Қазіргі уақытта мектеп оқушысының жағдайы орташа дәрежеде. ⠀ Эпидемиологиялық тексеру нәтижелері бойынша науқаспен байланыста болған 51 адам анықталды. Олар толық оқшауланған.

Тағы да оқыңыздар

Тележүргізуші Дана Нұржігіттің өмірбаяны

"Тұрғылықты жері бойынша дезинфекция жүргізілді. Іс-шаралар жалғасуда, қосымша ақпарат ұсынылады", - деді Шығыс Қазақстан облыстық Денсаулық сақтау департаментінің басшысы.

Ең маңызды әрі қызықты жаңалықтарды біздің Telegram арнамыздан оқыңыздар!

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Семей қаласында 14 жастағы мектеп оқушысы коронавирус індетін жұқтырған