RU

Жамбыл облысында коронавирус жұқтырған жігіт туралы тың дерек шықты

Жамбыл облысында коронавирус анықталған тағы бір адамға қатысты мәлімет пайда болды. Ол елордадан Тараз қаласына жеке көлігімен келген деп хабарлайды KAZ.NUR.KZ порталы coronavirus2020.kz сайтына сілтеме жасап.

Көрнекі фото: pixabay.com
Көрнекі фото: pixabay.com: Instagram

Айта кетейік, 6 сәуір күні Жамбыл облысында коронавирус жұқтырған тағы бір адамның анықталғаны хабарланды.

Ол 1992 жылғы Нұр-Сұлтан қаласының тұрғыны болып шықты. Ер азамат жеке көлігімен Тараз қаласында тұратын ата-анасына келген.

Ер адам 5 сәуір күні ЖРВИ белгілерімен провизорлық стационарға жатқызылған.

Оның коронавирус инфекциясына тапсырған лабораториялық талдауы оң нәтиже көрсеткен.

"Пациентпен байланыста болған адамдардың барлығы анықталып, карантиндік стационарға жатқызылды. Олардың жағдайы қанағаттанарлық, шағым жоқ", - делінген хабарламада.

Сондай-ақ, COVID-19 инфекциясы анықталған ер азаматтың мекен-жайы мен барған жерлеріне дезинфекция жұмыстары жүргізілген.

6 сәуір 17:00-дегі жағдай бойынша елімізде коронавирус жұқтырған тағы 25 адам тіркелген. Олардың 19-ы Ақмола облысында, алтауы Жамбыл облысында.

Жалпы алғанда Жамбыл облысында COVID-19 инфекциясы 35 адамнан анықталып отыр.

Ең маңызды әрі қызықты жаңалықтарды біздің Telegram арнамыздан оқыңыздар!

Мақаланың түпнұсқасы: https://kaz.nur.kz/1849288-zambyl-oblysynda-koronavirus-zktyrgan-zigit-turaly-ty-derek-sykty.html