Алматы облысында ішімдіктен ұрттаған ауыл тұрғыны бөтен үйге кіріп, ұйықтап қалған

Полицияға Жаңатұрмыс ауылының тұрғынынан хабарлама келіп түсті. Оның сөзінше, бейтаныс ер адам оның қонақ бөлмесінде мас күйінде ұйықтап қалған деп хабарлайды KAZ.NUR.KZ Polisia.kz-ке сілтеме жасап.

Аталған факті ҚР ҚК-нің "тұрғын үйге қол сұғылмаушылықты бұзу" бабы бойынша СДТБТ-де тіркелді.

Оқиға орнына жеткен полиция қызметкерлері үйінің бірінші қабатында ұйықтап жатқан 45 жастағы ауыл тұрғынын мас күйінде анықтаған.

"Иесінің айтуы бойынша, ол өзі үйдің артында, ауланың ішкі бөлігінде болған, ал анасы екінші қабатта үй тазалап жүрген. Үйге қайтып келе жатып, ол қонақ бөлмеден бейтаныс мас адамды анықтаған. Белгілі болғандай, ол ашық есіктерден өтіп кеткен", - делінген полиция департаментінің хабарламасында.

Тәртіп сақшыларының мәліметінше, ер адам үйде сақталған коньяк, арақ, шарап және шоколад тапқан. Содан кейін ол қонақ бөлмесіне жайғасып, алкоголь ішіп, шоколад жеген.

Полиция қызметкерлері ауыл тұрғынын оятты. Ол өз іс-әрекетінің мақсатын түсіндіре алмады.

Енді ҚР ҚК-нің бабына сәйкес, шақырылмаған қонақ жақын арада тұрғын үйге қол сұғылмаушылықты бұзғаны және заңсыз тінту үшін сот алдында болады.

Айта кетейік, аталған баптың санкциясы айыппұлдан екі жылға дейінгі мерзімге бас бостандығынан айыруға дейінгі жазаны қарастырады.

Естеріңізге сала кетейік, Алматыда полицейлер бірнеше адам жиналған "отырыстың" шырқын бұзды.

Ең маңызды әрі қызықты жаңалықтарды біздің Telegram арнамыздан оқыңыздар!