Выйти
RU

Елбасы коронавирусқа қарсы қабылданып жатқан шараларды жоғары бағалады

Рассказать в Telegram Рассказать Вконтакте

Нұрсұлтан Назарбаев премьер-министр Асқар Маминді қабылдады. Үкімет басшысымен кездесу барысында Қазақстанның Тұңғыш президенті қабылданған шаралардың арқасында коронавирус инфекциясының таралу қарқыны төмендегенін атап өтті деп хабарлайды KAZ.NUR.KZ Елбасының ресми сайтына сілтеме жасап.

Фото: elbasy.kz

Фото: elbasy.kz

"Медицина қызметкерлерінің үйлесімді жұмысын ерекше атап өткім келеді. Қиын жағдайда құқық қорғау органдары да өз тиімділігін көрсетуде. Үкімет пен жергілікті атқарушы органдар белсенді жұмыс істеуде", – деді Нұрсұлтан Назарбаев.

Сондай-ақ ол Ұлттық қор мен үкімет резервінен отандық экономиканы қолдау мақсатында 10 миллиард доллар қаражат бөлінуінің уақытылы жүзеге асырылған шара екенін жеткізді.

Өз кезегінде премьер-министр Елбасыға коронавирус инфекциясының ел аумағында таралуын болдырмау және әлеуметтік-экономикалық тұрақтылықты қамтамасыз ету мақсатында қабылданып жатқан шаралар жөнінде баяндады.

Кездесу соңында Нұрсұлтан Назарбаев экономиканың шикізаттық емес секторларын дамытуға бағытталған бағдарламаларды жүзеге асырудың маңыздылығына тоқталды.

Еске сала кетейік, бұған дейін Елбасының баспасөз хатшысы Айдос Үкібай Нұрсұлтан Назарбаевтың денсаулығы нашарлағаны туралы қауесетті жоққа шығарған болатын.

Ең маңызды әрі қызықты жаңалықтарды біздің Telegram арнамыздан оқыңыздар!

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Елбасы коронавирусқа қарсы қабылданып жатқан шараларды жоғары бағалады