Выйти
RU

Дәурен Абаев Елбасының денсаулығына қатысты қауесетке пікір білдірді

Рассказать в Telegram Рассказать Вконтакте

Ақпарат және қоғамдық даму министрі Дәурен Абаев тұңғыш президент Нұрсұлтан Назарбаевтың денсаулығына қатысты тараған қауесетке пікір білдірді деп хабарлайды KAZ.NUR.KZ.

Нұрсұлтан Назарбаев. Фото: elbasy.kz

Нұрсұлтан Назарбаев. Фото: elbasy.kz

Министр әдеттегідей Хабар арнасындағы "Открытый диалог" бағдарламасының қонағы болып, сұхбат барысында Елбасының денсаулығына қатысты тараған сыбыстарға да жауап қатты.

"Оның денсаулығына қатысты қауесеттерге келер болсақ, мен бұл жерде бір жайтты айтып берейін. Осыдан 10 жыл бұрын енді ғана Нұрсұлтан Әбішұлының баспасөз хатшысы болған кезде, интернет сайттардың бірінде Елбасының ауыр сырқаты жайлы хабар шықты. Мен жағамды ұстадым. Себебі күндіз ғана оның төрағалығымен өткен жиналысқа қатысқам. Кешке таман шыдай алмай бұл туралы Нұрсұлтан Әбішұлына айттым", - деген министр Елбасының өзіне не деп жауап бергенін есіне алды.
"Менің қасымда қызметіңді енді бастап жатырсың ғой. Бір дүние есіңде болсын. Балақтың шаңын қаға берсең, баратын жерге уақытыңда жете алмайсың. Ондай әңгімені тілеулес жұрт уайымдап айтса, мысықтілеу адамдар әдейі айтады. Оның бәрін тыңдай берсең, жұмысты кім істейді? Сондықтан әр осындай сөзге көңіл бөле берме!", - деген тұңғыш президенттің сөзін Дәурен Абаев мысал етті.

Тағы да оқыңыздар

Қорқыт ата туралы не білеміз?

Айта кетейік, Елбасының денсаулығына қатысты қауесеттерге бұған дейін өзінің баспасөз хатшысы Айдос Үкібай да пікір білдірген болатын.

Ең маңызды әрі қызықты жаңалықтарды біздің Telegram арнамыздан оқыңыздар!

Жазылып, Қазақстандағы соңғы жаңалықтар мен фото, видео, өзге де экслюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Дәурен Абаев Елбасының денсаулығына қатысты қауесетке пікір білдірді