Выйти
RU

Тоқаев Түркі Кеңесі президенттерінің кезектен тыс бейнесаммитіне қатысады

Рассказать в Telegram Рассказать Вконтакте

Ертең, яғни сәуірдің 10-ы күні Түркі Кеңесінің мемлекет басшылары "COVID-19" пандемиясына қарсы күреске арналған бейнеконференция өткізеді. Аталған бейнежиынға мемлекет басшысы Қасым-Жомарт Кемелұлы да қатысады деп хабарлайды KAZ.NUR.KZ.

Қасым-Жомарт Тоқаев. Фото: Instagram / tokayev_online

Қасым-Жомарт Тоқаев. Фото: Instagram / tokayev_online

Президенттің баспасөз хатшысы Берік Уәлидің Facebook парақшасында жазуынша, бейнежиын Түркі Кеңесінің қазіргі төрағасы, Әзербайжан президенті Ильхам Әлиевтің бастамасымен шақырылған.

Саммитке Қырғыз республикасының президенті Сооронбай Жээнбеков, Түрік республикасының президенті Реджеп Тайып Ердоған, Өзбекстан республикасының президенті Шавкат Мирзиёев, Түрікменстан президенті Гурбангулы Бердімұхамедов, Мажарстан премьер-министрі Виктор Орбан және Түркі Кеңесінің Бас хатшысы Бағдад Әміреев қатысады.

Бейнеконференцияда Дүниежүзілік денсаулық сақтау ұйымының Бас директоры доктор Тедрос Адханом Гебрейесус та болады.

Саммитте мемлекет басшылары коронавирус індетіне қарсы күреске ұлттық деңгейде қабылданған шаралар, денсаулық сақтау саласында көпжақты ынтымақтастықты дамыту және өңірде "COVID-19" індетінің өршуін туындатқан ортақ мәселелерді шешу туралы пікір алмасады.

Сондай-ақ, олар коронавирустың ұлттық және әлемдік экономикаға теріс әсерін жою жолдарын талқылап, дағдарыс уақытында және пандемиядан кейінгі кезеңде сауда экономикалық қатынастарды жалғастыру және кедергісіз тасымалдауды қамтамасыз ету үшін болашақта бірлескен күш-жігер мен ортақ шараларды қабылдау мәселелері төңірегінде пікір алмасады.

Тағы да оқыңыздар

Гиннес рекордтар кітабына енген қазақстандықтар тізімі

Саммит соңында мемлекет басшылары бірлескен Декларациясын қабылдайды.

Ең маңызды әрі қызықты жаңалықтарды біздің Telegram арнамыздан оқыңыздар!

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Тоқаев Түркі Кеңесі президенттерінің кезектен тыс бейнесаммитіне қатысады