Выйти
RU

Қызылорда облысында вирус жұқтырған жүкті әйел сәбиін аман-есен босанды

Рассказать в Telegram Рассказать Вконтакте

Қызылорда облысында COVID-19 вирусын жұқтырған жүкті әйел сәбиін аман-есен дүниеге алып келді деп хабарлайды KAZ.NUR.KZ.

Қызылорда облысында вирус жұтырған жүкті әйел сәбиін аман-есен босанды

Көрнекі фото: pixabay.com

Бұл туралы денсаулық сақтау вице-министрі Ләззат Ақтаева Facebook парақшасында мәлімдеді.

Вице-минстрдің жазуынша, жүкті әйел 2020 жылдың 8 сәуірінде ауруханаға түскен. Оның босанатын уақыты жеткені анықталып және оған жедел-респираторлы вирусты инфекция диагнозы қойылған.

Науқастың денсаулығын бақылау барысында дене қызуы 38,1 градусқа дейін көтерілген. COVID-19 вирусына тексеру жүргізілген соң, оның қауіпті инфекция жұқтырғаны анықталыпты.

Алайда келіншек баласын аман-есен босанған. Сәбидің салмағы 2970,0 гр, бойы 51 см. Ал денсаулық жағдайы қанағаттанарлық. Нәрестеден де COVID-19 вирусына анализ алынған.

Жаңа босанған әйелді толық емдеп үшін оны инфекциялық стационарға жатқызыпты.

Кезекші бригада мүшелері медициналық көмек көрсету кезінде күшейтілген қорғаныш құралдарын пайдаланған. Кезекшіліктен кейін олар бірден үй карантиніне жатқызылады.

«Олар өз ісін адал атқарып жүрген біздің заманымыздың батырлары - Қызылорда облыстық перинаталдық орталығының кезекшілер бригадасы: Ақбота Қоңқабаева - акушер – гинеколог, Әйгерім Еңсепбаева - акушер, Меруерт Аққайырова – неанатолог, Айгүл Тұрғанбаева – балалар дәрігері», - деп жазды вице-министр.

Тағы да оқыңыздар

Тележүргізуші Дана Нұржігіттің өмірбаяны

Естеріңізге сала кетсек, 9 сәуір күні Павлодар облысында коронавирустан бір науқас көз жұмғаны туралы жазған едік. Ол 1936 жылы дүниеге келген. Осылайша елімізде COVID-19 инфекциясынан қайтыс болғандар саны сегіз адамға жетті.

Соңғы деректер бойынша, Қазақстанда барлығы 781 жағдай тіркеліп отыр.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Қызылорда облысында вирус жұқтырған жүкті әйел сәбиін аман-есен босанды