Выйти
RU

АҚШ-та коронавирус жұқтырғандар саны 450 мыңнан асып кетті

Рассказать в Telegram Рассказать Вконтакте

Америка Құрама Штаттары коронавирус жұқтырғандар саны бойынша көшбасшы болып қала береді. CОVID-19 инфекциясын жұқтырған америкалықтар саны қазірдің өзінде 450 мың адамнан асып түскен деп жазады KAZ.NUR.KZ.

АҚШ-та коронавирус жұқтырғандар саны 450 мыңнан асты

Көрнекі фото: pixabay.com

Онлайн режимінде аурудың таралу статистикасы жүргізіп отырған Джонс Хопкинс университетінің мәліметтері бойынша, Штаттарда коронавирустық инфекцияны 462 мыңнан астам адам жұқтырды.

Ауырғандардың ең көп саны Нью-Йоркте. Айта кету керек, бір ғана Нью-Йорк қаласы жұқтырғандар саны бойынша Испаниядан озып кетті.

АҚШ-та коронавирустың таралуынан 16 мыңға жуық адам қайтыс болды. Ауруды 25 410 америкалықтар жеңе алды.

Қазіргі уақытта бүкіл әлем бойынша жұқтырғандардың жалпы саны 1,6 млн адамға жақындап келеді. Өлім-жітім саны 95,5 мыңға жетті.

Қауіпті ауруды жеңе алғандардың саны өсуде. Бүгінгі таңда коронавирусты 354 мың адам жеңген, олардың басым бөлігі Қытай тұрғындары.

Естеріңізге сала кетейік, кеше АҚШ-та COVID-19-дан рекордтық өлім көрсеткіші тіркелді.

Айта кету керек, елімізде коронавирус жұқтырудың тағы 21 дерегі тіркелді. Осылайша, Қазақстанда COVID-19 инфекциясына шалдыққандар саны 802-ге жетті.

Ең маңызды әрі қызықты жаңалықтарды біздің Telegram арнамыздан оқыңыздар!

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
АҚШ-та коронавирус жұқтырғандар саны 450 мыңнан асып кетті