Выйти
RU

Алматыда сарбаздар граната ұстаған ер адамды ұстап алды (фото)

Рассказать в Telegram Рассказать Вконтакте

Радиоэлектроника және байланыс әскери-инженерлік институтының курсанттары өзімен бірге граната ұстап жүрген ер адамды ұстады. Оқиға Алматыда болған деп жазады KAZ.NUR.KZ.

Алматыда граната ұстаған ер адам ұсталды (фото)

Фото. РБӘИИ баспасөз қызметі

Институттың баспасөз қызметінің хабарлауынша, ұстау операциясы оңтүстік астананың Төле би мен Саин көшелерінің қиылысында патрульдеу кезінде болған.

Болат пен Смаил есімді курсанттардың сөзінше, көшеде жүргенде оларға бір жігіт жүгіріп келіп, бір жерге шоғырланған топ арасындағы бір адамнан граната байқап қалғанын айтқан. Әскери қызметшілер бұл адамдардың құжаттарын тексеруге шешім қабылдайды.

Патрульдеушілер ер адамдардың құжаттарын сұраған кезде олар басын ала қаша жүгірген, алайда тәртіп сақшылары оларды қуып жетіпті.

4 курс студенті Ерсұлтан Болат оқиға жайлы айтып берді. Оның айтуынша, ол қашып кеткен ер адамдардың бірінің қалтасы толы екенін байқаған.

Күдіктілер полицияға тапсырылды. Граната сараптамаға жіберілді.

Баспасөз қызметінің ақпаратына сәйкес, ұсталғандардың бірінің бұған дейін сотталғаны белгілі болды, ол ұрлық және қарақшылық жасағаны үшін жауапқа тартылған.

Тәртіп сақшылары граната ұстаған адамның қайдан келгенін, оны қалай пайдалануды жоспарлағанын анықтауы керек.

Ең маңызды әрі қызықты жаңалықтарды біздің Telegram арнамыздан оқыңыздар!

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Алматыда сарбаздар граната ұстаған ер адамды ұстап алды (фото)