Выйти
RU

"Құмырсқа сияқты": Полициядан қашқан астаналықтар елді күлкіге қарық қылды

Рассказать в Telegram Рассказать Вконтакте

Әлеуметтік желіде Нұр-Сұлтандағы алаңдардың бірінде полициядан жаппай қашқан астаналықтардың видеосы тарады. Қалада балалар мен ересектер карантин ережелеріне қарамастан, сыртқа қыдыруға шыққан деп хабарлайды KAZ.NUR.KZ.

"Құмырсқа сияқты": Полициядан қашқан астаналықтар елді күлкіге қарық қылды

Фото: Видеодан кадрлар

Нұр-Сұлтандағы тұрғын үй кешендерінің біріндегі жағдайды жоғарғы қабатта тұратын тұрғын түсірген. Оның терезесінен алаңда қыдырып жүрген бір топ адамды көруге болады. Видео кадрларынан карантин режимін 50-ге жуық адам ұстанбағаны байқалады.

Бейнежазбаның ең қызықты сәті аумаққа полиция қызметкерлері келгенде басталады. Тәртіп сақшылары дыбыстық ескертпемен алаңға бұрылғанда, үй тұрғындары жапа-тармағай қаша бастаған.

"Карантин? Жоқ, естімедік", "Құмырсқа сияқты", "Біз ғана үйде отырған сияқтымыз", "Бір жағынан қызық, бір жағынан қорқынышты", "Полиция жарайсыңдар. Балаларды, ата-аналар мен ата-әжелерді тұтқындамас үшін алдын ала ескертпе беріп жатыр", "Барлық алаңдарда осылай", "Бұлай болса, карантин жалғаса береді. Тек үйде отырып, балконға ғана шығыңыздар",- деді желі қолданушылары.

Айта кетейік, күні кеше ел президенті Қасым-Жомарт Тоқаев қазақстандықтарды карантинді сақтауға шақырды.

Ең маңызды әрі қызықты жаңалықтарды біздің Instagram парақшамыздан оқыңыздар>>

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
"Құмырсқа сияқты": Полициядан қашқан астаналықтар елді күлкіге қарық қылды