Выйти
RU

Желіде пиццаға түкірген курьердің видеосы тарады

Рассказать в Telegram Рассказать Вконтакте

Әлеуметтік желіде курьердің көпқабатты үйдің жеделсатысында тұрып, тапсырыс берушінің пиццасын қолмен ұстап, тамаққа түкіргені бейнелеген видео тарады. Бұл жағдай Екібастұз қаласында орын алған деп хабарлайды KAZ.NUR.KZ Polisia.kz порталына сілтеме жасап.

Екібастұзда курьер пиццаға түкірген (видео)

Фото: Видеодан кадр: Polisia.kz, zhaloba_ekibastuz

Желіде шу тудырған видео жеделсатыдағы бақылау камерасына жазылып қалған.

Бейнежазбада жеткізушінің пицца қорабын ашып, оны қолымен ұстағаны анық көрінеді. Видео авторының айтуынша, курьер пиццаға түкірген екен.

Құқық қорғау органдары материалды толық зерттеп, видеоның 18 сәуір күні жазылғанын анықтады. Видеодағы тапсырыс жеткізуші азамат та анықталып, жауапқа тартылған. Ол 19 жастағы жас жігіт болып шықты.

Полиция пиццаға тапсырыс берушінің арызданбағанын жеткізді. Ал курьер пиццериядағы жұмысынан қуылды.

Кейін әлеуметтік желіде пицца жеткізуші жігіттің өз әрекеті үшін кешірім сұраған видеосы пайда болды.

Естеріңізге сала кетсек, желіде Алматыдағы тұрғын үй кешендерінің бірінде белгісіз ер адамның лифт батырмаларына түкіріп жатқан видеосы тарап кеткен еді. Полиция қызметкерлері бейнежазбадағы бұзақыны тапқанын жазған болатынбыз.

Ең маңызды әрі қызықты жаңалықтарды біздің Telegram арнамыздан оқыңыздар!

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Желіде пиццаға түкірген курьердің видеосы тарады