Выйти
RU

Отставкаға кетпек болған Әбілдаев әзірге өз қызметінде қалды

Рассказать в Telegram Рассказать Вконтакте

Алматы қаласының денсаулық сақтау басқармасында кадрлық ауыс-түйістер жоспарланған болатын. Ведомствоның қазіргі басшысы Тілеухан Әбілдаев өз еркімен отставкаға өтініш білдіргендіктен, оның орнына бұрынғы денсаулық сақтау вице-министрі Қамалжан Надыров тағайындалған еді. Алайда, соңғы жағдайларға байланысты Әбілдаев өз қызметін жалғастыратын болып шешілді деп хабарлайды KAZ.NUR.KZ.

Тлеухан Әбілдаев. Фото: Алматы әкімдігі

Тлеухан Әбілдаев. Фото: Алматы әкімдігі

Бұл туралы денсаулық сақтау министрі Елжан Біртанов Facebook желісінде хабарлады.

Министрлік басшысы оңтүстік астанының ҚДСБ-ның төрағасы қызметіне тағайындалған Надыровтан коронавирус анықталғанын мәлім етті. Бүгінгі күні шенеунік ем алу үшін ауруханаға жатқызылды.

Министрдің хабарламасында Әбілдаевтың коронавирус инфекциясының кеңінен тарап, қаладағы жағдайдың ушығып кетуіне байланысты өз қызметінен кету жөнінде шешім қабылдағаны жазылды.

Оның орнын Қамалжан Надыров алмастыру керек болған еді. Алайда, шенеуніктен адам өмірі үшін аса қауіпті вирус анықталғандықтан, бұл кадрлық ауысу орын алмады.

Нәтижесінде Тілеухан Әбілдаевтың отставкасы тоқтатылып, ол өз қызметін қайта жалғастыратын болды. Бұл шешім Алматы әкімінің келісімімен қабылданды.

Соңғы мәліметтерге сәйкес, оңтүстік астана аумағында коронавирус жұқтырудың 680 оқиғасы тіркелді. Министр науқастардың жартысы медицина қызметкерлері екенін жеткізді.

Ең маңызды әрі қызықты жаңалықтарды біздің Telegram арнамыздан оқыңыздар!

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Отставкаға кетпек болған Әбілдаев әзірге өз қызметінде қалды