Выйти
RU

Елімізде 11 шенеунік отставкаға кетуі мүмкін

Рассказать в Telegram Рассказать Вконтакте

Елімізде 11 мемлекеттік саяси басшы қоластындағы қызметкерлердің сыбайлас жемқорлыққа қатысы болуына байланысты қызметінен кетуі мүмкін деп хабарлайды KAZ.NUR.KZ порталы Sputnik Қазақстан агенттігіне сілтеме жасап.

Көрнекі фото: pixabay.com

Көрнекі фото: pixabay.com

Бұл жөнінде сыбайлас жемқорлыққа қарсы іс-қимыл агенттігінің стратегия және жедел басқару департаментінің басшысы Нұрлан Жақсыбеков айтты.

Оның сөзінше, шенеуніктер қол астындағылардың кінәсі анықталып, соттың айыптау үкімі шыққан жағдайда жұмысынан кетеді.

"Қарамағындағы қызметкерлердің сыбайлас жемқорлыққа қатысы болғаны үшін бірінші басшылардың отставкаға кетуін жүзеге асыру жайлы айтқым келеді. Қаралып жатқан қылмыстық істерді ескере келе, жақын арада, әрине, соттың айыптау үкімі шыққан жағдайда, 11 мемлекеттік саяси басшы отставкаға кетеді", - деді Жақсыбеков.

Бұл соттың айыптау үкімі күшіне енгеннен кейін он күн ішінде жүзеге асырылуы тиіс.

Айта кетейік, осыған дейін агенттік мемлекеттік саяси қызметкерге министрлер мен олардың орынбасарлары, облыс, Нұр-Сұлтан, Алматы, Шымкент қалаларының әкімдері мен орынбасарлары, аудан әкімдері жататын айтқан болатын.

Сонымен қатар ведомство орталық мемлекеттік органдардың басшылық құрамы арасында сыбайлас жемқорлықты анықтау бөлімі құрылатынын хабарлады.

Тағы да оқыңыздар

Тележүргізуші Дана Нұржігіттің өмірбаяны

"Мемлекеттік аппараттың жоғары лауазымды тұлғаларымен жасалынатын ауыр және аса ауыр жүйелік сыбайлас жемқорлық қылмысын анықтау және болдырмау мақсатында агенттік құрылымында анықтау бөлімі құрылады. Оның жұмысын белгілеу кезінде халықаралық тәжірибеге сүйендік. Бөлім біздің ішкі резерв және орта буынды лауазымдарды қысқарту есебінен қамтамасыз етіледі", - деді Нұрлан Жақсыбеков.

Айта кетейік, Қазақстан президенті Қасым-Жомарт Тоқаев ел тұрғындарына коронавирус жағдайына байланысты кезекті мәрте телевизиялық үндеу жолдайды.

Ең маңызды әрі қызықты жаңалықтарды біздің Telegram арнамыздан оқыңыздар!

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Елімізде 11 шенеунік отставкаға кетуі мүмкін