Выйти
RU

Елордада биыл екі есе көп мектеп салынады

Рассказать в Telegram Рассказать Вконтакте

Биыл Нұр-Сұлтанда 2019 жылмен салыстырғанда екі есе көп мектеп салынады. 2020 жылы 12 мектеп пайдалануға беріліп, тағы 12 мектептің құрылысын бастау жоспарланып отыр деп хабарлайды KAZ.NUR.KZ Нұр-Сұлтан әкімдігінің ресми сайтына сілтеме жасап.

Фото: astana.gov.kz

Фото: astana.gov.kz

Елорда әкімі Алтай Көлгінов Майқайың мен А351 көшелерінің қиылысында орналасқан мектептің құрылысымен танысты. Мектеп 1200 орынға есептелген, 2021 жылы пайдалануға беріледі.

"Қалада халық санының өсуіне орай әлеуметтік нысандарға жүктеме артып келеді. Қазір үш ауысымда оқытып жатқан мектептер бар. Үш ауысымды оқыту мәселесін шешу үшін жылына кем дегенде 10 мектеп салу қажет. Биыл 12 мектеп және 2021 жылы тағы сонша мектеп салынады. Құрылыс жұмыстары тиісті деңгейде жүргізіліп, абаттандыру мәселелерін алдын ала шешу қажет. Құрылыс жұмыстарын жүргізген кезде санитарлық нормалар қатаң сақталуы керек", – деді қала басшысы.

Мектеп құрылысына жеке инвесторлар да қатысып жатыр. Кешенді жоспар аясында 5 жыл ішінде 60 мың орындық 50 мектеп (оның ішінде 10 мектеп қазіргі таңда жұмыс жасап тұрған мектептердің аумағында) салу жоспарланған. Бұл екі ауысымда 120 мыңға жуық оқушы орнын құруға мүмкіндік береді.

Еске сала кетейік, биыл мектеп оқушыларының жазғы демалысқа қашан шығатынын хабарлаған болатынбыз.

Ең маңызды әрі қызықты жаңалықтарды біздің Telegram арнамыздан оқыңыздар!

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Елордада биыл екі есе көп мектеп салынады