Выйти
RU

Таразда шетелдік жігіттердің шашын қиып берген шаштараз жазаланды

Рассказать в Telegram Рассказать Вконтакте

Тараз қаласында төтенше жағдай талаптарын бұзып, жұмыс істеген сұлулық салоны анықталды деп хабарлайды KAZ.NUR.KZ ҚазАқпаратқа сілтеме жасап.

Таразда шетелдік жігіттердің шашын қиып берген шаштараз жазаланды

Көрнекі фото: pixabay.cm

Тараздағы сұлулық салондарының бірінде жұмыс істейтін 25 жастағы шаштараз шебері төтенше жағдай режиміне қарамастан, жергілікті жоғары оқу орындарында білім алып жатқан Түркіменстанның бес азаматының шашын қиюға келіскен.

Облыстық полиция департаменті баспасөз қызметінің мәліметінше, ұсталған құқық бұзушылықты полиция қызметкерлері жаяу патрульдеу кезінде анықтады.

«Төтенше жағдай режимін бұзғаны үшін шаштараздың иесіне, шеберге және бес азаматқа қатысты ҚР ӘҚБтК-нің 476-бабы бойынша әкімшілік хаттамалар толтырылды. Қызмет көрсету кезінде шебер мен тұтынушы арасында жақын және ұзаққа созылатын байланыстың болуына байланысты карантин кезінде мұндай кәсіпорындардың қызметіне қатаң тыйым салынады», - делінген ведомство мәлімдемесінде.

Қазіргі уақытта полиция қызметкерлері карантин режимін бұзғандарды анықтауды жалғастыруда. Төтенше жағдай кезінде облыс бойынша барлығы 886 әкімшілік құқық бұзушылық тіркелді.

Құқық бұзушыларға 186 ескерту беріліп, 250 адамға 10 АЕК көлемінде әкімшілік айыппұл салынды, 79 дерек бойынша әкімшілік қамауға алынды, ал қалған материалдар сотқа жіберілді.

Тағы да оқыңыздар

Гиннес рекордтар кітабына енген қазақстандықтар тізімі

Жамбыл облысының Полиция департаменті азаматтардан ТЖ режимін сақтауды және басқа адамдар бұзған жағдайда хабарлауды сұрайды.

Естеріңізге сала кетсек, мемлекет басшысы Қасым-Жомарт Тоқаев еліміздегі төтенше жағдай режимі 11 мамырға дейін ұзартылғанын мәлімдеді.

Ең маңызды әрі қызықты жаңалықтарды біздің Instagram парақшамыздан оқыңыздар>>

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Таразда шетелдік жігіттердің шашын қиып берген шаштараз жазаланды