RU

"Коронавирусты Уханьда жасаған": ДДСҰ АҚШ-тың мәлімдемесін дәлелсіз деп атады

Дүниежүзілік денсаулық сақтау ұйымы (ДДСҰ) АҚШ-тың мемлекеттік хатшысы Майк Помпеоның "Коронавирус Уханьдағы зертханадан жасалған" деген мәлімдемесіне дәлелсіз деген анықтама берді деп хабарлайды centralasian.org қызметіне сілтеме жасаған KAZ.NUR.KZ.

"Коронавирусты Уханьда жасаған": ДДСҰ АҚШ-тың мәлімдемесін дәлелсіз деп атады
Көрнекі фото: pixabay.com: Getty Images

Ұйым Құрама Штаттардың үкіметінен сөздеріне дәлел келтіретін ешқандай анықтама алмағанын хабарлады.

"Біз АҚШ үкіметінен көзқарасына дәлел келтіретіндей ешқандай мәлімет алмадық. Сол себептен дәйексіз айтылған дүние деп есептейміз", - деді ДДСҰ-ның төтенше жағдай жөніндегі бағдарлама директоры Майкл Райан.

Райан сонымен бірге вирустың қайдан пайда болғаны жөнінде саяси емес, ғылыми зерттеу жүргізуге шақырды.

АҚШ мемлекеттік хатшысы Майк Помпео 3 мамырда вирустың Ухань зертханасында пайда болғаны жөнінде жеткілікті дәлелдер барын мәлімдеген. Бірақ ол жан-жақты тоқталмады.

Кейін Помпео бұл мәлімдемесін ABC каналына берген сұқбатында тағы қайталады.

Қытайдың мемлекеттік CCTV телеканалы 4 мамырда Помпеоның мәлімдемесін "ешқандай шындыққа сәйкес келмейтін ақылсыз әрі екіұшты айтылған" деген пікір білдірді.

Ең маңызды әрі қызықты жаңалықтарды біздің Telegram арнамыздан оқыңыздар!

Мақаланың түпнұсқасы: https://kaz.nur.kz/1854505-koronavirusty-uhanda-zasagan-dds-aks-ty-mlimdemesin-dlelsiz-dep-atady.html