Ғалымдар коронавирустың тағы екі толқыны болатыны жөнінде ескертті

Роберт Кох атындағы институттың мамандары жер бетінде тек бір ғана емес, жаңа типті коронавирус инфекциясының екі толқыны болуы мүмкін деп хабарлайды KAZ.NUR.KZ порталы РИА Новости-ге сілтеме жасап.

Институт басшысы Лотар Вилердің айтуынша, олар коронавирус инфекциясының екінші толқыны басталатынына сөзсіз сенімді.

Агенттік хабарлағандай, сарапшының пікірінше, олар COVID-19 эпидемиясының толқындары дүниежүзі тұрғындарының көп бөлігі жаңа аурумен ауырмайынша, қайта-қайта пайда бола береді деп санайды.

Қазіргі ғалымдардың есептеуі әлемде өмір сүретін адамдардың 60-70 пайызы жаңа аурумен ауырып, жазылуы тиіс екенін көрсетеді.

Сондықтан, Вилердің пікірінше, кейбір ғалымдар коронавирустың екінші толқынынан кейін сөзсіз үшінші толқын пайда болады деген пікірде.

Жалпы, ғалымдар COVID-19 бүкіл әлемдегі өмір сүру ырғағын мәңгілікке өзгертеді деген пікірде: мысалы, Роберт Кох институтының басшысы әлеуметтік қашықтық бүкіл әлемдегі адамдар арасындағы өзара әрекеттесудің жаңа тұрақты нормаларының біріне айналады деп санайды.

Айта кетейік, елімізде тағы 72 адамнан коронавирус анықталды. Осылайша, Қазақстанда COVID-19 инфекциясын жұқтырғандар саны 4277-ге жетті.

Ең маңызды әрі қызықты жаңалықтарды біздің Telegram арнамыздан оқыңыздар!