Выйти
RU

Әзербайжанда бірқатар карантин шарасы жеңілдеді

Рассказать в Telegram Рассказать Вконтакте

Әзербайжан үкіметі жанындағы жедел штабтың мәліметінше, ерекше карантиндік режим аясында қолданылатын шектеулердің тағы бір бөлігін жеңілдету туралы шешім қабылданды деп хабарлайды KAZ.NUR.KZ ҚазАқпарат агенттігіне сілтеме жасап.

Әзербайжанда бірқатар карантин шарасы жеңілдеді

Көрнекі фото: NUR.KZ

Сондай-ақ, қазіргі санитарлық-эпидемиологиялық жағдайға қарамастан 18 мамырдан бастап Баку, Сумгайыт, Гянджа, Лянкяран қалалары мен Абшеронск ауданында:

- SMS арқылы, icaze.e-gov.az порталына тіркелу арқылы немесе жұмыс орнынан анықтама арқылы үйден шығуға рұқсат алу жүйесі жойылады;

- саябақтарға және демалыс орындарына баруға қойылған шектеу жойылады;

- мейрамханалар, дәмханалар және барлық тамақтану орындары 08:00-18:00 аралығында қызмет көрсетеді;

Сондай-ақ, 18 мамырдан бастап Әзербайжанның барлық аумағында:

- музейлер мен көрме залдарының қызметі қалпына келтіріледі;

- 65 жастан асқан адамдарға үйден шығуға салынған тыйым күшін жояды.

Қазіргі уақытта ерекше карантин режимі кезінде елде мынадай шектеулер қала береді:

- жүк көліктерін қоспағанда жер және әуе қатынасы арқылы елден кіруге және шығуға;

- Баку және Сумгайыт қалалары мен Абшеронск ауданынан, сондай-ақ Гянджа және Лянкяран қалаларынан шығуға және кіруге;

- басқа қалалар мен елдің басқа аудандарынан жер және әуе қатынасы арқылы жолаушылар тасымалдауға;

- барлық білім беру мекемелеріндегі оқу ісі;

- жерлеу рәсімін қоспағанда діни қызметтерді өткізуге, залдарда, палаткаларда ас беруге және ұйымдастыруға;

- той жасауға;

- мәдени-спорттық шараларға;

- ойын-сауық орталықтарының жұмысына;

- кинотеатрлар, театрлар, спорт залдардың қызметіне;

- ел аумағындағы ірі сауда орталықтарының жұмысына;

- медициналық мекемелердегі науқас туыстарға баруға;

- сауықтыру және спорт қызметтерін көрсетуге;

- массаж жасауға тыйым салынады.

Ең маңызды әрі қызықты жаңалықтарды біздің Instagram парақшамыздан оқыңыздар>>

Тағы да оқыңыздар
Жүктеу...
Әзербайжанда бірқатар карантин шарасы жеңілдеді
Mailfire view pixel