Выйти
RU

Түркістанда көңілдесіне ақша беріп келген келіншек адам сенгісіз қылмыс жасады

Рассказать в Telegram Рассказать Вконтакте

Түркістан облысының полицейлері “тонап кетті” деп жалған ақпарат берген әйелді ұстады. Бұл туралы KAZ.NUR.KZ Polisia.kz сайтына сілтеме жасап хабарлайды.

Түркістанда көңілдесіне ақша беріп жүрген әйел адам сенгісіз қылмыс жасады

Көрнекі фото: polisia.kz

Сайрам аудандық полиция басқармасының кезекші бөліміне аудандағы елді мекендердің бірінен тұрғынның үйіне ұры түскені туралы хабарлама келіп түседі. Оқиға орнына жеткен жедел-тергеу тобының қызметкерлеріне жәбірленуші үйіне бетперде киген белгісіз адам кіріп, оны байлап, пышақпен қорқытып, екі миллион теңге ақшасын алып кеткенін жеткізеді.

Аталған жайтты полиция қызметкерлері ҚР Қылмыстық кодексінің 191-бабы (тонау) бойынша сотқа дейінгі тергеп-тексерудің бірыңғай тізіліміне тіркеп, күдіктілерді іздеуге кірісті.

Сайрам аудандық полиция басқармасының қызметкерлері қылмысты ашу мақсатында қажетті жедел-іздестіру іс-шараларын өткізіп, жақын маңдағы барлық аумақтарды аралап, үй тұрғындары мен куәгерлерден жауап алып, қылмыс орнын тексерді.

Тергеу барысында жедел уәкілдер оқиға орнынан тонаудың ешқандай нақты іздерін таппады. Тонау туралы өтірік ақпарат беруі мүмкін деген болжам жасалды. Полицейлердің аталған болжамы расталды және жәбірленуші тонау орын алды деп тәртіп сақшыларынна жалған ақпарат бергенін мойындады.

Тағы да оқыңыздар

Қорқыт ата туралы не білеміз?

Белгілі болғандай, әйелі күйеуінен жасырып, көңілдесіне отбасылық ақшадан беріп отырған. Нәтижесінде ол екі миллион теңге жұмсап қойып, ақшаның жоқтығын күйеуінен жасырғысы келген. Сүйіктісі екеуі жоспар құрып, “тонап кетті ” деп жалған ақпарат беруді шешкен. Осылайша, көңілдес жігіт жоспарды орындау үшін жәбірленуші әйелді байлап, көзінен ұрып, кетіп қалған. Ал күйеуі үйге келгенде, әйел оған тонаушылардың шабуыл жасағанын айтып, полицияға арыз түсірген.

Қазіргі уақытта аталған жайт бойынша ҚР Қылмыстық кодексінің 419-бабы (көрінеу жалған сөз жеткізу) бойынша сотқа дейінгі тергеу амалдары жүргізіліп жатыр. Күдіктілер қолхатпен босатылды. Сотқа дейінгі тергеудің жинақталған материалдары іс жүргізу шешімін қабылдау үшін прокуратураға жіберілді.

Айта кетейік, Атырауда полицейлер наурыздан бері өзіне салынған 1 миллион 117 мың 886 теңге айыппұлды төлемеген "Opel Astra" көлігінің жүргізушісін ұстады.

Ең маңызды әрі қызықты жаңалықтарды біздің Telegram арнамыздан оқыңыздар!

Тағы да оқыңыздар
Жүктеу...
Түркістанда көңілдесіне ақша беріп келген келіншек адам сенгісіз қылмыс жасады
Mailfire view pixel