RU

Атырауда жоғалған 1,5 жасар сәбиді іздеуге тағы 400 ерікті қосылды (фото)

20 мамыр күні Атырау қаласының Жұлдыз шағын ауданында 1,5 жасар бала жоғалып кеткен болатын. 50-ге жуық ерікті, 150-ден аса жергілікті тұрғын және 20 әскери қатысқан іздеу жұмыстары нәтиже берген жоқ. Бүгін бүлдіршінді іздеуге тағы 400-ге жуық ерікті жұмылдырылды деп хабарлайды KAZ.NUR.KZ ҚазАқпаратқа сілтеме жасап.

Коллаж: NUR.KZ. Фото: "Ақ Жайық"
Коллаж: NUR.KZ. Фото: "Ақ Жайық": Facebook

Кеше түсте жоғалған Әли әлі табылмай жатыр. Балақайды іздестіру түнімен жауған жаңбырға қарамастан тоқтаған жоқ.

"Бүгін, 21 мамырда жергілікті уақытпен таңғы сағат 6:30-да көмекке 400-ге жуық ерікті келді. Сондай-ақ, іздестіру жұмысына Ұлттық ұланның 50 сарбазы, полицияның 100-ден астам қызметкері, 50 волонтер жұмылдырылды. Олар "Жұлдыз" шағынауданындағы 51 көшені жан-жақты тексеруге кірісті", - деп хабардар етті облыстық полиция департаментінің баспасөз қызметі.
Фото: Облыстық ПД
Фото: Облыстық ПД: Depositphotos

Полиция қызметкерлері жедел іздестірудің өзге де нұсқасын қолға алыған. Шағын аудан аумағындағы кәріз құдықтары, маңындағы барлық нысандар тексеріліп жатыр.

Фото: Облыстық ПД
Фото: Облыстық ПД: Depositphotos

Айта кетейік, бұған дейін жергілікті қоғам белсендісі Олжас Сұлтанов бейнебақылау камераларының жазбалары тексерілгенін атап өтті. Бейнежазбада баланың аулада жүріп көзден таса болғаны көрінеді.

Анасы бір-екі минутқа үйге кіріп шыққан, сол арада Әли із-түзсіз жоғалып отыр.

Ең маңызды әрі қызықты жаңалықтарды біздің Telegram арнамыздан оқыңыздар!

Оригинал статьи: https://kaz.nur.kz/1856785-atyrauda-zogalgan-15-zasar-sbidi-izdeuge-tagy-400-erikti-zmyldy.html