RU

Нұр-Сұлтанда баланы бірінші сыныпқа қабылдау тәртібі жарияланды

Нұр-Сұлтан әкімдігінің Facebook-тегі онлайн-брифингінде елордалық білім басқармасының басшысы 2020 жылы 1-сыныпқа қабылдау қалай өтетінін түсіндірді. Басшы қажетті құжаттардың тізімін айтып берді деп жазады KAZ.NUR.KZ.

Нұр-Сұлтанда баланы бірінші сыныпқа қабылдау тәртібі жарияланды
Фото: pixabay.com: UGC

Басқарма басшысы Шолпан Қадырованың айтуынша, 1-сыныпқа құжаттарды қабылдау автоматты түрде жүзеге асырылады. Ол үшін Egov арқылы өтініш беру керек.

Яғни порталға ата-анасының немесе қамқоршысының өтініші, баланың туу туралы куәлігінің көшірмесі, денсаулық туралы екі құжат – 026/у-3 (денсаулық паспорты) және 063/у, баланың 3x4 өлшемде түскен 2 суреті сияқты бірнеше құжаттарды жүктеу қажет.

Ал балаларды ерекше қажеттіліктері бар мектептерге қабылдау үшін педагогикалық және медициналық-психологиялық комиссияның қорытындысы керек.

Egov арқылы қашықтан мектепке немесе сыныпқа ауысу жөнінде өтініш те беруге болады.

Қадырованың айтуынша, мектеп комиссиялары аталған құжаттардан басқа қосымша қағаздар сұрамауы керек.

1-сыныпқа құжаттар қабылдау 1 маусымнан басталады. 17 тамыздан бастап Нұр-Сұлтан мектептерінде балаларға арналған ақысыз "жазғы мектептер" іске қосылады.

Еске сала кетсек, бұған дейін Нұр-Сұлтан әкімдігінің онлайн-брифингінде білім бөлімінің бастығы елордадағы балабақшалар толықтай жұмыс істей бастайтын күнді жариялаған еді.

Ең маңызды әрі қызықты жаңалықтарды біздің Telegram арнамыздан оқыңыздар!

Мақаланың түпнұсқасы: https://kaz.nur.kz/1857006-nr-sltanda-balany-birinsi-synypka-kabyldau-trtibi-zarialandy.html