RU

Пәкістандағы ұшақ апаты: Билік кемінде 90 адамның қаза болғанын растады

Пәкістанның оңтүстігінде болған ұшақ апатынан кемінде 90 адам қаза болған деп хабарлайды KAZ.NUR.KZ РИА Новостиге сілтеме жасап.

Коллаж: NUR.KZ. Виеодан кадр: twitter.com/Nouman_Writes , youtube.com/Unwanted Engineer
Коллаж: NUR.KZ. Виеодан кадр: twitter.com/Nouman_Writes , youtube.com/Unwanted Engineer: Depositphotos

Bol news телеарнасының елдің авиация министрі Гулам Сарвар Ханаға сілтеме жасап хабарлауынша, жерде бірнеше көлік пен бес үй қирап қалған.

Пәкістанның азаматтық авиация басқармасы өкілінің мәліметінше, Airbus А320 бортында 91 жолаушы мен жеті экипаж мүшесі болған.

Синд провинциясының билігі әуе апатынан кемінде екі адамның тірі қалғанын және жердегі адамдардың зардап шеккенін мәлім етті.

Еске сала кетейік, Airbus А320 Лахор қаласынан Карачиге бағыт алған. Flightradar24 қызметінің мәліметінше, ұшақ көкке көтерілгеннен кейін жарты сағаттан кейін қонуға талпынған. Алайда бұдан нәтиже шықпаған. Кейін әуе кемесі радардан жоғалып кетіп, әуежай маңындағы тұрғын үй кешеніне құлаған.

Айта кетейік, бұған дейін БАҚ-та ұшақ апатынан тірі қалғандар жайлы мәлімет шыққан болатын. Алайда бұл деректерді ресми түрде ешкім растамады.

Кейінірек әуе апатынан ешқандай адамның тірі қалмағанын 100-ден аса адамның көз жұмғаны туралы да ақпарат тарады.

Сонымен қатар елдегі қайғылы жағдай байланысты Пәкістан премьер-министрі Имран Хан Twitter-дегі парақшасында пікір білдіріп, марқұмдардың жақындарына көңіл айтқан еді. Сонымен қатар үкімет басшысы тез арада тергеу жүргізілетінін де жеткізген.

Ең маңызды әрі қызықты жаңалықтарды біздің Telegram арнамыздан оқыңыздар!

Мақаланың түпнұсқасы: https://kaz.nur.kz/1857084-pkistandagy-sak-apaty-bilik-keminde-90-adamny-kaza-bolganyn-rastady.html