RU

"Бір қызым бар": Сека вайнер әйелі туралы бар шындықты айтты (видео)

Әлеуметтік желі арқылы қалың көпшілікке Сека Vines лақап атымен танылған вайнер жеке өміріне қатысты бар шындықты жайып салды. Көпті әзілге толы видеороликтерімен күлдіртіп жүрген Серғазы Тоқтарбек отбасылы болып шықты. Instagram жұлдызының тіпті кішкентай қызы бар деп жазады KAZ.NUR.KZ "TalkLike" бағдарламасына сілтеме жасап.

Фото: видеодан кадр. Коллаж: KAZ.NUR.KZ
Фото: видеодан кадр. Коллаж: KAZ.NUR.KZ: Instagram

Сека вайнер жеке өмірін барынша жасырын ұстағысы келгендіктен, отау құрғанын бұған дейін еш жерде айтпаған. Белгілі әзілкештің жары оның жанкүйерлері қатарынан болмай шықты. Ол тіпті жұлдызды жолдасының өнерін ұнатпайды екен.

"Үйлендім, әке болдым. Қызым бар. Анам басқа, келіншегім басқа. Бірақ, екеуі де сабырлы. Әйелім мүлдем менің шығармашылығымды жақсы көрмейді, түсінбейді. Алдымен ол менің, сосын мен оның жүрегін жауладым. Біраз еңбектендім деуге келмейді. Алайда, бірден көне қойған жоқ. Біраз уақыт жүрдік. Түсініксіз жайттар болды, ақыр-соңы түбінде бәрі керемет мықты болып кетті.
Болашақта екінші әйел алмаймын. Менің өмірімді алып қарасаңыз да, анамда әкемнен кейін ешкім болған жоқ. Сол себепті, мен де олай істемеймін. Бірақ, білуімше исламда бірнеше әйел алуға рұқсат берілген. Алайда, ол ләззат алу үшін емес, жесір қалған әйелдерге қамқор болу мақсатында іске асырылған. Мен қолымнан келгенше бәріне көмектесемін. Бірақ, мен өз әйелімді сүйемін. Соны бақытты етіп, соны риза қылсам болды. Маған жетеді" , - деді ол.

Вайнердің жеке өмірі жайлы айтқан видеоүзіндісі Instagram желісіндегі qaz.stars парақшасында жарияланған.

Мақаланың түпнұсқасы: https://kaz.nur.kz/1857907-bir-kyzym-bar-seka-vajner-jeli-turaly-bar-syndykty-ajtty-video.html