Выйти
RU

Коронавирустан тағы бір адам көз жұмды: Ол Теңіз кен орнында жұмыс істеген

Рассказать в Telegram Рассказать Вконтакте

Батыс Қазақстан облысында Covid-19-дан болған алғашқы өлім фактісі тіркелді деп хабарлайды KAZ.NUR.KZ порталы Coronavirus2020.kz ресми сайтына сілтеме жасап.

Коронавирустан тағы бір адам көз жұмды: Ол Теңіз кен орнында жұмыс істеген

Көрнекі фото: pixabay.com

Қайтыс болған науқастың 53 жаста екені белгілі болды. Жалпы, Қазақстанда 41 адам инфекцияның құрбанына айналған.

Бұл қайғылы жағдай – Батыс Қазақстандағы КВИ-дан қайтыс болудың алғашқы фактісі. Марқұмның Теңіз кен орнында жұмыс істегені белгілі болды. Ол Оралға 3 мамыр күні келген. Коронавирустың бар-жоғын тексеру үшін блок-бекеттегілер оны ауруханаға жатқызады, деп жазады "Орал аптасы".

Осыдан соң алынған екі сынақ та теріс нәтиже көрсетіп, нәтижесінде ер адам үйдегі карантинге жіберілді. Алайда, 10 мамырда аурудың алғашқы белгілері байқала бастаған. Оған қарамастан, науқас дәрігерлерге хабарласпаған екен.

Тағы да оқыңыздар

Тележүргізуші Дана Нұржігіттің өмірбаяны

Тоғыз күн өткен соң оның жағдайы нашарлады. Ер адам төсектен тұра алмай қалған. Ауруханаға жатқызу кезінде ер адамда коронавирус расталды. Жағдайының ауыр болуына байланысты жансақтау бөліміне жіберілді. Өткен сенбі 30 мамырда ер адам көз жұмды.

Айта кетейік, кеше Қазақстанда коронавирус ауруынан Шымкент пен Павлодар облысында тағы екі өлім фактісі тіркелді.

Жалпы, елімізде коронавирус пайда болғалы бері 11 мыңға жуық адам ауру жұқтырған.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Коронавирустан тағы бір адам көз жұмды: Ол Теңіз кен орнында жұмыс істеген