Выйти
RU

Байғабылов: Елдегі жағдай нашарласа, блок-бекеттер қайта қойылады

Рассказать в Telegram Рассказать Вконтакте

Еліміздің көліктегі бас санитарлық дәрігері Сәдуақас Байғабылов Facebook желісіндегі "Денсаулық сақтау министрлігі хабарлайды" айдарында еліміздегі блок-бекеттердің міндеті аяқталғандықтан, олардың алынғанын айтты. Дегенмен бақылау-өткізу бекеттері орнына қайта қойылуы да ықтимал деп хабарлайды KAZ.NUR.KZ.

Көрнекі фото: NUR.KZ

Көрнекі фото: NUR.KZ

Байғабылов 1 маусымнан бастап Қазақстан облыстары арасындағы алынған блок-бекеттер өз міндеттерін орындағанын, олардың коронавирус эпидемиясына тосқауыл болу мақсатында қойылғанын атап өтті.

Оның сөзінше, елде бұндай шектеу шараларына оралу жоспарда жоқ. Алайда эпидемиологиялық жағдай ушықса қайтадан блок-бекеттер қойылады.

"Елдегі жағдай нашарласа, блокбекеттер өңірлерде қайта қойылады", - дейді Байғабылов.

Сонымен қатар, ол облыстар аралығындағы блок-бекеттердің ғана алынғанын, ал облыстың ішіндегі блок-бекеттер сол қалпында жұмыс істеп тұрғанын қоса кетті.

Еске сала кетсек, 1 маусымға қараған түні Қазақстанның әртүрлі қалаларында коронавирус пандемиясына байланысты наурыз айында қойылған блок-бекеттер алынды.

Мәселен түнгі сағат 00:00-ден кейін Алматы полициясы бақылау-өткізу пункттеріндегі суреттермен бөлісті. Онда бетон блоктар мен қоршаулардың жоқ екені анық байқалады.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Байғабылов: Елдегі жағдай нашарласа, блок-бекеттер қайта қойылады