Выйти
RU

Алматылықтарға жаппай іс-шара өткізу үшін жеке меншік үйлерді жалға алуға тыйым салынды

Рассказать в Telegram Рассказать Вконтакте

Алматы қаласының бас санитар дәрігері Жандарбек Бекшиннің жаңа қаулысына сәйкес, қала тұрғындарына жекеменшік нысандарды жалға алып, жаппай іс-шара өтікізуге тыйым салынды. Бұл туралы KAZ.NUR.KZ порталы тауарлар мен көрсетілетін қызметтердің сапасы мен қауіпсіздігін бақылау департаментіне сілтеме жасап хабарлайды.

Көрнекі фото: pixabay.com

Көрнекі фото: pixabay.com

"Алматы қаласының жергілікті атқарушы органдары, құқық қорғау және арнайы органдар:
көрермендердің қатысуымен мәдени және спорттық іс-шараларды өткізуге тыйым салуды;
Алматы қаласының аумағында адамдар көп жиналатын іс-шараларды өткізуге тыйым салуды;
жеке меншік үйлер мен құрылыстарды жаппай корпоративтік және басқа да іс шараларды өткізу үшін жалға беруге және жалға алуға тыйым салуды;
қала сыртындағы және мектеп жанындағы сауықтыру объектілерінің жұмысына тыйым салуды;
оқушылардың топтық экскурсиясына тыйым салуды қамтамасыз етсін", - делінген тиісті құжаттың мәтінінде.

Еске сала кетсек, бұған дейін бас мемлекеттік санитарлық дәрігер Айжан Есмағамбетова елімізде блок-бекеттер алынып, дәмхана мен мейрамханалар ашылғанымен, әзірге той-томалақ өткізуге рұқсат берілмейтінін айтқан еді.

Есмағамбетованың сөзінше, тыйымның алынуы елдегі және әр өңірдегі эпидемиологиялық тікелей ахуалға байланысты.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Алматылықтарға жаппай іс-шара өткізу үшін жеке меншік үйлерді жалға алуға тыйым салынды