Top.Mail.Ru

Сайт нұсқасы

ru kz

Зектілері

Күдебаев Алматы облысында коронавирус жұқтырған полицейлер туралы айтты

Опубликовано:

Бүгін Алматы облысы полиция департаментінің басшысы Серік Күдебаев өңірде коронавирус жұқтырған полиция қызметкерлері туралы айтты деп хабарлайды KAZ.NUR.KZ.

Күдебаев Алматы облысында коронавирус жұқтырған полицейлер туралы айтты
Фото: NUR.KZ / Петр Карандашов: UGC
"Біздің қызметкерлер өткізу бекеттерінде көп жұмыс жасады, олардың арасында ауру жұқтырған (коронавирус - ред.) қызметкерлер де бар, олардың көпшілігі сауығып, қазір жұмыс істеуде, емделіп жатқандар да бар.
Мен олардың жасаған жұмыстары үшін ризамын. Қызметтік міндетін атқарғаны үшін қызметкерлерге үлкен алғысымды білдіргім келеді", - деді полиция генерал-майоры.

Сондай-ақ, ол Алматы облысында төтенше жағдай кезінде 127 блок-бекет орнатылып, онда 946 полиция қызметкері қызмет еткенін атап өтті.

  • Бүгінгі таңда Алматы облысында коронавирус жұқтырудың жалпы 402 жағдайы анықталған, оның 214-і емделіп шыққан. Облыста өлім жағдайлары тіркелген жоқ.

Еске салайық, Алматы облысындағы қалалар мен аудандар арасындағы жол кедергілері 18 мамырдан бастап алына бастады. 1 маусымға қараған түні Алматы мен облыс арасындағы жол тосқауылдары алынып тасталды.

Түнде мегаполис аумағы бойынша құрылған 27 пост өз жұмысын тоқтатты. Алматыдағы бақылау-өткізу пункттерінің жұмысына екі ауысымда жұмыс істейтін 700-ге жуық полиция қызметкері тартылды.

Мақаланың түпнұсқасы: https://kaz.nur.kz/society/1858924-kdebaev-almaty-oblysynda-koronavirus-zktyrgan-policejler-turaly-ajtty/

pixel