Выйти
RU

Алматыда карантин кезінде жүргізілген зерттеу нәтижесі экологтарды таңғалдырды

Рассказать в Telegram Рассказать Вконтакте

Алматыдағы екінші және үшінші жылу электр орталығы қаланың ластануына айтарлықтай әсер етеді. Осы мәселеге қатысты жаңа деректерді Қазақстанның экология, геология және табиғи ресурстар министрі Мағзұм Мырзағалиев есеп беру кездесуінде жариялады деп хабарлайды KAZ.NUR.KZ Sputnik Қазақстанға сілтеме жасап.

Алматыда карантин кезінде жүргізілген зерттеу нәтижесі экологтарды таңғалдырды

Көрнекі фото: NUR.KZ

Оның айтуынша, Алматының экологиялық жағдайы министрліктің ерекше бақылауына алынған.

"Қаланың экологиялық жағдайы, өкінішке қарай, жақсармай тұр. Соңғы бірнеше айда біз қызықты деректерге қол жеткіздік. Алматыда карантин басталған кезде жағдайды пайдаланып, тұрақты бақылау жүргіздік", - деді министр.

Мамандар карантинге дейінгі кезең мен карантин енгізілгеннен кейінгі сәтті салыстырды.   

"Біріншіден, бұған дейін жылу электр орталықтарының әсері соншалықты үлкен деп ойламадық. Ашығын айтқанда, барлығын автокөліктің әсері деп түсіндік. Алайда карантин барысында қаланың төменгі бөлігі, атап айтқанда, Боралдай ауданынан Төле би көшесіне дейін, Сейфуллин көшесіне дейінгі қозғалыс, бәрі ЖЭО-2 ықпалындағы аймақ екенін көрдік", - деді министр.

Сонымен қатар Алматы облысында орналасқан ЖЭО-3 те қала экологиясына айтарлықтай әсер ететіні анықталды.

"Біз бұрын Алматы облысының аймағындағы ЖЭО-3 орталығының Алматыға қалай әсер ететінін назарға алмадық. Түркісіб ауданы, әуежайдың ауданы мен Талғар ауданы – бәрі ЖЭО-3 ықпалындағы аймақ. Осылайша, қазір ауаның ластануына шамамен 52% – автокөлік, 48% – жылу электр орталығы әсер етеді деп ойлаймыз", - деп толықтырды Мырзағалиев.  

Тағы да оқыңыздар

Гиннес рекордтар кітабына енген қазақстандықтар тізімі

Сондай-ақ, Алматы облысындағы газ тартылмаған жеке секторлар да қалаға айтарлықтай әсер ететіні белгілі болды.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Алматыда карантин кезінде жүргізілген зерттеу нәтижесі экологтарды таңғалдырды