Выйти
RU

Тоқаев Ресей халқын ұлттық мерекесімен құттықтады

Рассказать в Telegram Рассказать Вконтакте

Қазақстан президенті Ресей Федерациясының президентіне құттықтау жеделхатын жолдады деп хабарлайды KAZ.NUR.KZ порталы Ақордаға сілтеме жасап.

Тоқаев Путинді құттықтады

Қасым-Жомарт Тоқаев. Фото: ТАСС

Мемлекет басшысы Қасым-Жомарт Тоқаев жеделхатта Ресей президенті Владимир Путинді және барша ресейліктерді ұлттық мерекелері – Ресей күнімен құттықтаған.

"Ресей Федерациясы өзінің жаңа тарихында осы атаулы күнді халықаралық тұрақтылық пен қауіпсіздікті қамтамасыз етуге, жаңа сын-тегеуріндер мен қатерлерге қарсы іс-қимылдарға, әлемдік қауымдастық мүшелері арасындағы өзара тиімді және әділ ынтымақтастықты дамытуға үлкен үлес қосып отырған қуатты әрі беделді держава ретінде атап өтеді.
Сіздің стратегиялық бағытыңызды қатаң ұстана отырып, Ресей мемлекеттік құрылымның сан ғасырлық дәстүрін табысты арттырып, қоғамдық өмірдің барлық саласын дәйекті түрде жаңғыртып келеді", – делінген жеделхатта.

Сонымен қатар президент ресейліктердің патриотизм мен бірлікке бейілдігі, Отандарына деген мақтаныш сезімі мен жарқын болашаққа деген нық сенімі Ресей мемлекетінің тұрақты дамуына және әл-ауқатының артуына кепіл болатынын атап өтті.

Қасым-Жомарт Тоқаев Владимир Путинге Қазақстан мен Ресей арасындағы достық байланысты және одақтастықты одан әрі нығайтуға бағытталған жемісті еңбегі үшін ризашылығын білдірді.

Еске сала кетсек, бұған дейін мемлекет басшысының cенат депутаттарының сайлауы өтетін күнді бекіткенін хабарлаған едік.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Тоқаев Ресей халқын ұлттық мерекесімен құттықтады